ଦୁବାଇ,୧୫।୧୦: ଚଳିତ ଆଇପିଏଲ ଫାଇନାଲ ମ୍ୟାଚ୍ରେ ୯୧୩ ରନ୍ର ବିଶାଳ ଟାର୍ଗେଟ ପିଛା କରୁଥିବା କୋଲକାତା ନାଇଟ୍ ରାଇଡର୍ସ (କେକେଆର)କୁ ଗୋଟିଏ ଓଭରରେ ଡବଲ ଝଟକା ଦେଇଛନ୍ତି ଶାର୍ଦ୍ଦୁଳ ଠାକୁର। ଶୁବମାନ ଗିଲ ଓ ଭେଙ୍କଟେଶ ଆୟର(୫୦ ରନ୍, ୫ ଚୌକା ଓ ୩ ଛକା)ଙ୍କ ଓପନିଂ ଯୋଡ଼ି କେକେଆରକୁ ୯୦ ରନ୍ର ଆରମ୍ଭ ଦେଇଥିଲେ। ଦୁଇ ବ୍ୟାଟ୍ସମ୍ୟାନଙ୍କୁ କେକେଆର ଫିଲ୍ଡରମାନେ ଦେଇଥିଲେ ଅନେକ ସୁଯୋଗ। ଏଥିରେ ଅଧିନାୟକ ମହେନ୍ଦ୍ର ସିଂ ଧୋନୀ ମଧ୍ୟ ସାମିଲ। ଆୟର ଖାତା ଖୋଲି ନ ଥିବା ବେଳେ ଧୋନୀ କ୍ୟାଚ୍ ଛାଡ଼ିଥିଲେ।
କିନ୍ତୁ ୧୧ ତମ ଓଭରରେ କୋଲକାତା ପାଇଁ ସବୁ କିଛି ବଦଳି ରଖି ଦେଇଥିଲେ ଶାର୍ଦ୍ଦୁଳ। ପ୍ରଥମେ ଆୟର ଓ ପରେ ଫର୍ମରେ ଥିବା ନୀତିଶ ରାଣାଙ୍କୁ ଖାତା ଖୋଲିବା ପୂର୍ବରୁ ପ୍ୟାଭିଲିଅନ ପଠାଇଥିଲେ। ଏହାର ପରବର୍ତ୍ତୀ ଓଭରରେ ଆଉଟ୍ ହୋଇଥିଲେ ସୁନିଲ ନାରିନ (୨)। ଫଳରେ ରିପୋର୍ଟ ଲେଖା ହେବା ସୁଦ୍ଧା କେକେଆର ୧୨ ଓଭର ସୁଦ୍ଧା ୩ ଉଇକେଟ ହରାଇ ୯୯ ରନ୍ କରିଛି। ତେବେ କେକେଆର ପାଇଁ ଗିଲ ଏବେ ୪୨ ରନ୍ କରି ଖେଳୁଛନ୍ତି।
