କରୋନା ଭାଇରସ ପାଇଁ ଏବେ ଚାରିଆଡେ ଲକ୍ଡାଉନ୍ ଜାରି ରହିଛି। ସାଧାରଣ ଲୋକଙ୍କଠାରୁ ଆରମ୍ଭ କରି ବଲିଉଡ୍ କଳାକାର, ଖେଳାଳୀମାନେ ନିଜ ଘରେ ରହି ପରିବାର ସହ ସମୟ ବିତାଉଛନ୍ତି। କରୋନା ଯୋଗୁ ଆନ୍ତର୍ଜାତୀୟ କ୍ରିକେଟକୁ ଦୀର୍ଘ ସମୟ ପର୍ଯ୍ୟନ୍ତ ସ୍ତଗିତ ରଖାଯାଇଛି। ଏଭଳି ପରିସ୍ଥିତିରେ ଖେଳାଳୀମାନେ ଏବେ ଘରେ ରହୁଛନ୍ତି। ବିରାଟ କୋହଲି ସ୍ତ୍ରୀ ଅନୁଷ୍କା ଶର୍ମାଙ୍କ ସହ ମୁମ୍ବାଇରେ ରହୁଛନ୍ତି। ବିରାଟଙ୍କର ଘର ପାଖରେ କ୍ରିକେଟର ଶ୍ରେୟାଶ ଆୟର ରୁହନ୍ତି। ଏବେ ଶ୍ରେୟାସ ବିରାଟଙ୍କ ପାଇଁ ଘର ତିଆରି ଦୋସା ନେଇ ତାଙ୍କ ଘରେ ପହଞ୍ଚିଛନ୍ତି। ଏ ନେଇ ବିରାଟ ସୋସିଆଲ ମିଡିଆରେ ଏକ ଫଟୋ ପୋଷ୍ଟକରି ଜଣାଇଛନ୍ତି। ଏଥିସହ ସେ ଲେଖିଛନ୍ତି, ମୋ ପଡୋଶୀ ଶ୍ରେୟାସ, ଯିଏକି ମୋ ଘରଠାରୁ ମାତ୍ର ୫ଶହ ମିଟର ଦୂରରେ ରୁହନ୍ତି। ସେ ମୋ ପାଇଁ ଘର ତିଆରି ଦୋସା ବନାଇ ଆଣିଛନ୍ତି। ଏଥିପାଇଁ ବିରାଟ ଶ୍ରେୟାସଙ୍କ ମା’ଙ୍କୁ ଧନ୍ୟବାଦ ଜଣାଇଛନ୍ତି। ବହୁତ ଦିନ ପରେ ଏତେ ଟେଷ୍ଟି ଦୋସା ଖାଇଛି ବୋଲି ବିରାଟ କହିଛନ୍ତି।