ନୂଆଦିଲ୍ଲୀ,୧।୪: ଆହତ ସମସ୍ୟା ଯୋଗୁ ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍)-୨୦୨୧ରୁ ବାହାର ହୋଇଛନ୍ତି କ୍ରିକେଟର ଶ୍ରେୟାସ ଆୟାର। ସିଜନରେ ସେ ନ ଖେଳିଲେ ମଧ୍ୟ ପୁରା ପାଉଣା ପାଇବେ। ପୂର୍ବରୁ ତାଙ୍କୁ ୭ କୋଟି ଟଙ୍କା ଲେଖାଏ ମିଳୁଛି। ଏବେ ଖେଳାଳି ଜୀବନବୀମା ଅନୁଯାୟୀ ପୁରା ଦରମା ମିଳିବ ବୋଲି ଜଣାପଡ଼ିଛି।
ତେବେ ଇଂଲଣ୍ଡ ବିପକ୍ଷ ଦିନିକିଆରେ ଫିଲ୍ଡିଂ କରୁଥିବା ସମୟରେ ଆହତ ହୋଇଥିଲେ ଶ୍ରେୟାସ। ପରେ ସେ ଫିଟ୍ ହେବାକୁ ଅଧିକ ସମୟ ଲାଗିବ ବୋଲି ଜଣାପଡ଼ିଥିଲା। ଏଣୁ ସେ ଆଇପିଏଲ୍ରୁ ବାହାର ହୋଇଥିଲେ। ତାଙ୍କ ସ୍ଥାନରେ ରିଷଭ ପନ୍ତଙ୍କୁ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ଭାବେ ନିଯୁକ୍ତ କରାଯାଇଛି।