ଆଉ ଗୋଟିଏ ଦିନ ପରେ ଆରମ୍ଭ ହେବାକୁ ଯାଉଛି ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୧। ଏଥିପାଇଁ ପ୍ରସ୍ତୁତି ଜୋର୍ସୋର୍ରେ ଆରମ୍ଭ ହୋଇସାରିଛି। ଅନ୍ୟପଟେ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ଶ୍ରେୟାସ ଆୟାର ହସ୍ପିଟାଲରେ ଭର୍ତ୍ତି ହୋଇଛନ୍ତି। ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଥିବା ପ୍ରଥମ ଦିନିକିଆ ମ୍ୟାଚ୍ ଖେଳୁଥିବା ବେଳେ ଆହତ ହୋଇଥିଲେ। ଏପ୍ରିଲ ୮ରେ ତାଙ୍କର ଅସ୍ତ୍ରୋପଚାର ହେବାର ରହିଛି। ଏହି କାରଣରୁ ଏଥର ସେ ଆଇପିଏଲ୍ରେ ଖେଳିପାରୁ ନାହାନ୍ତି। ସର୍ଜରୀ ପାଇଁ ଯିବା ପୂର୍ବରୁ ସେ ନିଜର ଏକ ଫଟୋ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଏହି ଫଟୋରେ ତାଙ୍କୁ ହସ୍ପିଟାଲର ଗାଉନ୍ ପିନ୍ଧିଥିବାର ଦେଖିବାକୁ ମିଳୁଛି। ଆଇପିଏଲ୍ର ଗୋଟିଏ ଦିନ ପୂର୍ବରୁ ଅର୍ଥାତ ଗୁରୁବାର ଦିନ ତାଙ୍କର ସର୍ଜରୀ ହେବ। ଏହି ଫଟୋ ଶେୟାର କରି ଶ୍ରେୟାସ ଲେଖିଛନ୍ତି, ଆଉଟ୍ଫିଟ ଅଫ୍ ଦ ଡେ (ଆଜି ଦିନର ପୋଷାକ)। ଫଟୋରେ ସେ ଧଳା ଏବଂ ନୀଳ ରଙ୍ଗର ପୋଷାକ ପିନ୍ଧିଛନ୍ତି।