ଭାରତୀୟ କ୍ରିକେଟ ଦଳର ଯୁବ ଖେଳାଳି ଶ୍ରେୟଶ୍ ଆୟର ଆଇପିଏଲ୍ରେ ନିଜ ଦଳକୁ ଫାଉନାଲକୁ ନେଇ ପାରିଥିଲେ। ମାତ୍ର ଇଣ୍ଡିଆ-ଅଷ୍ଟ୍ରେଲିଆ ସିରିଜ୍ରେ ସେ ସେମିତି କିଛି କମାଲ କରିପାରିଲେ ନାହିଁ। ଏହି କାରଣ ପାଇଁ ତାଙ୍କୁ ଟେଷ୍ଟ ମ୍ୟାଚ୍ରେ ସ୍ଥାନ ମିଳିଲା ନାହିଁ। ହେଲେ ଅଷ୍ଟ୍ରେଲିୟାରୁ ଫେରିବା ସମୟରେ ଶ୍ରେୟସ ଦୁବାଇରେ ରହିଛନ୍ତି। ଏଠାରେ ସେ ଛୁଟି କାଟୁଛନ୍ତି। ଏହି ଅବସରରେ ଶ୍ରେୟସ ଦୁବାଇର ଫେମ୍ ପାର୍କରେ ପହଞ୍ଚିଥିଲେ। ସେଠାରେ ଥିବା ହିଂଶ୍ର ପଶୁଙ୍କ ସହ ସମୟ ବିତାଉଛନ୍ତି। ଏହାର କିଛି ଫଟୋ ସେ ନିଜର ଇନ୍ଷ୍ଟାଗ୍ରାମ୍ରେ ଶେୟାର ମଧ୍ୟ କରିଛନ୍ତି। ଏହି ଫଟୋରେ ଶ୍ରେୟଶ ବାଘ ଛୁଆକୁ ଖୀର ପିଆଉଥିବା ଦେଖିବାକୁ ମିଳୁଛି। ଅନ୍ୟ ଏକ ଫଟୋ ସେ ଏକ ସାପକୁ ବେକରେ ଜାବୁଡି ଧରିଛନ୍ତି। ତାଙ୍କର ଏହି ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ଏହାକୁ ତାଙ୍କ ପ୍ରଶଂସକମାନେ ଲାଇକ୍ ଏବଂ କମେଣ୍ଟ ମଧ୍ୟ କରୁଛନ୍ତି। ଶ୍ରେୟଶଙ୍କ ଏହି ଷ୍ଟାଇଲ ଦେଖି ତାଙ୍କର ଜଣେ ପ୍ରଶଂସକ ଲେଖିଛନ୍ତି, ଆପଣ ହେଉଛନ୍ତି ଏହି ବିଶ୍ୱର ସବୁଠାରୁ କ୍ୟୁଟ୍ ବ୍ୟକ୍ତି। ସେହିପରି ଅନ୍ୟଜଣେ ତାଙ୍କୁ ହ୍ୟାଣ୍ଡସମ୍ ହଙ୍କ ବୋଲି କହିଛନ୍ତି।
