କାନପୁର,୨୫।୧୧: ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟରେ ଭାରତୀୟ ବ୍ୟାଟ୍ସମ୍ୟାନ୍ ଶ୍ରେୟସ ଆୟର ତାଙ୍କର ଟେଷ୍ଟ ଡେବ୍ୟୁ କରିଛନ୍ତି । ଭାରତୀୟ ପୂର୍ବତନ ଅଧିନାୟକ ସୁନୀଲ ଗାଭାସ୍କର ତାଙ୍କୁ ଟେଷ୍ଟ କ୍ୟାପ ଦେଇଥିଲେ। ଏହି ମ୍ୟାଚରେ ଟିମ ଇଣ୍ଡିଆର ଅଧିନାୟକ ଅଜିଙ୍କେ ରାହାନେ ଟସ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। କାନପୁରର ଗ୍ରୀନ ପାର୍କରେ ୫ ବର୍ଷ ପରେ ଟେଷ୍ଟ ଖେଳାଯାଉଛି। ଏହି ଟେଷ୍ଟ ସିରିଜ ବିଶ୍ୱ ଟେଷ୍ଟ ଚାମ୍ପିଅନସିପ (ଡବ୍ଲ୍ୟୁଟିସି) ର ଏକ ଅଂଶ। ରାହୁଲ ଦ୍ରାଭିଡ ମଧ୍ୟ କୋଚ ଭାବରେ ଟେଷ୍ଟ ସିରିଜ୍ ଆରମ୍ଭ କରୁଛନ୍ତି। ଫଳରେ ଭାରତର ଟେଷ୍ଟ ଖେଳିବାରେ ସେ ୩୦୩ତମ ଖେଳାଳି ହୋଇଛନ୍ତି।
ସୁନୀଲ ଗାଭାସ୍କର ଟେଷ୍ଟ କ୍ୟାପ ଶ୍ରେୟସ ଆୟରଙ୍କୁ ଦେଇଥିଲେ। କାନପୁରରେ ଗାଭାସ୍କରଙ୍କ ରେକର୍ଡ ଅତ୍ୟନ୍ତ ଭଲ ହୋଇଛି। ସେ ଏଠାରେ ଏକ ଶତକ ଏବଂ ଅର୍ଦ୍ଧଶତକ ହାସଲ କରିଛନ୍ତି। ଗାଭାସ୍କର ଏଠାରେ ୯ଟି ଟେଷ୍ଟର ୧୪ ଇନିଂସରେ ହାରାହାରି ୪୫ରେ ୬୨୯ ରନ ସଂଗ୍ରହ କରିଛନ୍ତି। ୧୭୬ ରନର ତାଙ୍କର ସର୍ବୋଚ୍ଚ ଇନିଂସ। କାନପୁର ଟେଷ୍ଟରେ ସର୍ବାଧିକ ରନ ସ୍କୋର କରିବାରେ ପୂର୍ବତନ ଅଧିନାୟକ ଗାଭାସ୍କର ଦ୍ୱିତୀୟ ସ୍ଥାନରେ ଅଛନ୍ତି।