ଗଞ୍ଜାମ,୩୦।୩(ଡି.ଏନ୍.ଏ.): ଗଞ୍ଜାମ ଏନ୍ଏସି ଅଧୀନ ପୁଇଁତୋଳା ଗ୍ରାମରେ ଗୁରୁବାର ଶ୍ରୀରାମ ନବମୀ ମହାସମାରୋହରେ ପାଳିତ ହୋଇଛି। ଏହି ଅବସରରେ ହନୁମାନ ମନ୍ଦିରରେ ପ୍ରାତଃରୁ ସଂକୀର୍ତ୍ତନ ହୋଇଥିଲା l ଅନ୍ୟପକ୍ଷେ ଦୁଇସାହିରେ ମା’ଦଣ୍ଡକାଳୀଙ୍କ ଧୂଳି ଦଣ୍ଡ ହୋଇଥିଲା। ଏପରିକି ହରେକୃଷ୍ଣ ହରେ ରାମ… ଏବଂ ମହାମାୟୀ କଳା ରୁଦ୍ରମଣିଙ୍କୁ ଭଜ ହେ…’ ରେ ଗ୍ରାମ ପ୍ରକମ୍ପିତ ହୋଇଥିଲା l ସନ୍ଧ୍ୟାରେ ମା’ଙ୍କ ଆଳତି ଦର୍ଶନ ପାଇଁ ଭକ୍ତଙ୍କ ଭିଡ ଜମିଥିଲା l ଏପରିକି ରାତିରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଗ୍ରାମ ପରିଚାଳନା କମିଟି ପକ୍ଷରୁ କୁହାଯାଇଛି l ଶ୍ରୀରାମ ନବମୀ, ଦଣ୍ଡକାଳୀ ପୂଜା ପଇଁ ପୁଇଁତୋଳା ଗାଁ ଉତ୍ସବ ମୁଖର ହୋଇଉଠିଛି।