ଶ୍ରୀନଗର,୩୦।୧୨ : ଅଯୋଧ୍ୟାରେ ଶ୍ରୀରାମ ମନ୍ଦିରର ସମର୍ପଣ ପୂର୍ବରୁ ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ଏନସି ମୁଖ୍ୟ ଫାରୁକ ଅବଦୁଲ୍ଲା କହିଛନ୍ତି ଭଗବାନ ଶ୍ରୀରାମ କେବଳ ହିନ୍ଦୁ ନୁହଁନ୍ତି ବରଂ ବିଶ୍ୱର ସମସ୍ତ ଲୋକଙ୍କର ଅଟନ୍ତି। ଅବଦୁଲ୍ଲା କହିଛନ୍ତି ଭଗବାନ ରାମ ଭାଇଚାରା, ପ୍ରେମ ଏବଂ ଏକତା ବିଷୟରେ କହିଥିଲେ ଏବଂ ଯେଉଁମାନେ ପତିତ ହୋଇଥିଲେ ସେମାନଙ୍କୁ ଉଦ୍ଧାର କରିବା ଉପରେ ଗୁରୁତ୍ୱାରୋପ କରିଥିଲେ ସେ ସେମାନଙ୍କ ଧର୍ମ ବିଷୟରେ କେବେବି ପଚାରି ନ ଥିଲେ। ଆସନ୍ତା ମାସରେ ଅନୁଷ୍ଠିତ ହେବାକୁ ଥିବା ସମାରୋହ ପାଇଁ ଫାରୁକ ଅବଦୁଲ୍ଲା ଭକ୍ତମାନଙ୍କୁ ଅଭିନନ୍ଦନ ଜଣାଇବା ସହ ମନ୍ଦିର ପାଇଁ ଉଦ୍ୟମ କରିଥିବା ସମସ୍ତଙ୍କୁ ଅଭିନନ୍ଦନ ଜଣାଇଛନ୍ତି।
ସେ କହିଛନ୍ତି, ଅଯୋଧ୍ୟାରେ ରାମ ମନ୍ଦିର ଉଦଘାଟନ ହେବାକୁ ଯାଉଛି। ଯେଉଁମାନେ ମନ୍ଦିର ପାଇଁ ଉଦ୍ୟମ କରିଥିଲେ ମୁଁ ସେମାନଙ୍କୁ ଅଭିନନ୍ଦନ ଜଣାଉଛି। ଏହା ବର୍ତ୍ତମାନ ପ୍ରସ୍ତୁତ । ମୁଁ ସମସ୍ତଙ୍କୁ କହିବାକୁ ଚାହେଁ ପ୍ରଭୁ ରାମ କେବଳ ହିନ୍ଦୁମାନଙ୍କର ନୁହନ୍ତି, ସେ ସମଗ୍ର ଜଗତର ଅଟନ୍ତି। ଏହା ପୁସ୍ତକଗୁଡ଼ିକରେ ଲେଖାଯାଇଛି। ବର୍ତ୍ତମାନ ଏହି ମନ୍ଦିର ଖୋଲିବାକୁ ଯାଉଛି, ମୁଁ ସମସ୍ତଙ୍କୁ ଭାଇଚାରା ବଜାୟ ରଖିବାକୁ କହିବାକୁ ଚାହୁଁଛି ।
