ଯେକୌଣସି ଦାମ୍ପତ୍ୟ ଜୀବନରେ ଛାଡପତ୍ର ପରିସ୍ଥିତି ଆସିଲେ, ପିଲାମାନଙ୍କ ଉପରେ ଏହାର ସର୍ବାଧିକ ପ୍ରଭାବ ପଡିଥାଏ। କିନ୍ତୁ ଅଭିନେତ୍ରୀ ଶ୍ରୁତି ହାସନଙ୍କ ଏହାର ଭଲ ପ୍ରଭାବ ପଡିଛି। ପାପା କମଲ ହାସନ ଏବଂ ମା ସାରିକାଙ୍କ ଛାଡପତ୍ରକୁ କିପରି ମୁକାବିଲା କରିଥିଲେ ଏକ ସାକ୍ଷାତକାରରେ ତାହାର ଖୁଲାସା କରିଛନ୍ତି ଶ୍ରୁତି। ୧୯୯୮ରେ କମଲ ସାରିକାଙ୍କୁ ବିବାହ କରିଥିଲେ ଏବଂ ୨୦୦୪ ରେ ଏହି ଦମ୍ପତି ପରସ୍ପରଠାରୁ ଅଲଗା ହୋଇଥିଲେ। ମୁଁ ଏହି ଛାଡପତ୍ରରେ ବେଶ୍ ଖୁସି ଥିଲି। ମୁଁ ଏଥିପାଇଁ ଉତ୍ସାହିତ ହୋଇଥିଲି ଯେ, ଦୁହେଁ ନିଜ ଜୀବନ ବଞ୍ଚାଇବା ପାଇଁ ଅଲଗା ହୋଇଗଲେ। କାରଣ ଯେତେବେଳେ ଦୁଇ ଜଣ ଏକାଠି ରହିବାକୁ ଚାହାଁନ୍ତି ନାହିଁ ତଥାପି କୌଣସି କାରଣରୁ ରହିବାକୁ ପଡୁଛି, ସେ ସମୟରେ ଦୁହେଁ ଅଲଗା ହୋଇଯିବା ଉଚିତ୍। ଅଲଗା ହେବା ପରେ ମଧ୍ୟ ସେ ବହୁତ ଭଲ ମାତାପିତା। ମୁଁ ମୋ ବାପାଙ୍କ ନିକଟତର। ମୋ ମା ବହୁତ ଭଲ କାମ କରୁଛନ୍ତି ଏବଂ ସେ ମଧ୍ୟ ଆମ ଜୀବନର ଏକ ଅଂଶ । ମୁଁ ଭାବୁଛି ଏହା ଏହିପରି ହେବାର ଥିଲା। ଶ୍ରୁତି ଆହୁରି କହିଛନ୍ତି, ସେ ଦୁହେଁ ଭିନ୍ନ ବ୍ୟକ୍ତିତ୍ୱ। କିନ୍ତୁ ସେମାନେ ଏକାଠି ଭଲ ନ ଥିଲେ। କିନ୍ତୁ ଏଥିରୁ ଅନୁମାନ କରାଯିବା ଉଚିତ ନୁହେଁ ଯେ ଜଣେ ମଣିଷ ଭାବରେ ସେ ବହୁତ କମ ଭଲ ହୋଇଗଲେ। ଯେତେବେଳେ ସେମାନେ ଅଲଗା ହୋଇଥିଲେ ମୁଁ ବହୁତ ଛୋଟ ଥିଲି, କିନ୍ତୁ ଏସବୁ ବୁଝିବା ମୋ ପାଇଁ ସହଜ ଥିଲା ଯେ ସେମାନେ ଏକାଠି ହେବା ଅପେକ୍ଷା ଅଲଗା ହୋଇ ଅଧିକ ଖୁସି ହୁଅନ୍ତି।
କମଲ ହାସନ ଏବଂ ସାରିକାଙ୍କର ଦୁଇଟି ଝିଅ ଅଛନ୍ତି, ଶ୍ରୁତି ହାସନ ଏବଂ ଅକ୍ଷରା ହାସନ। ଉଭୟ ଶ୍ରୁତି ଏବଂ ଅକ୍ଷରା ଅଭିନେତ୍ରୀ ଅଟନ୍ତି।
