କୋଲକତା,୨୭।୧୧:ପଶ୍ଚିମବଙ୍ଗ ବିଧାନସଭାର ବିରୋଧୀ ଦଳର ନେତା ଶୁଭେନ୍ଦୁ ଅଧିକାରୀ ମୁଖମ୍ୟନ୍ତ୍ରୀ ମମତା ବାନାର୍ଜୀଙ୍କୁ ଖୋଲା ଚ୍ୟାଲେଞ୍ଜ୍ ଦେଇଛନ୍ତି। ନାଗରିକ ସଂଶୋଧନ ଅଧିନିୟମ (ସିଏଏ)କୁ ନେଇ ସେ ଏହି ଚ୍ୟାଲେଞ୍ଜ କରିଛନ୍ତି। ଶୁଭେନ୍ଦୁ କହିଛନ୍ତି, ଆମେ ଅନେକ ଥର ସିଏଏ ବିଷୟରେ କଥା ହୋଇଛୁ। ରାଜ୍ୟରେ ସିଏଏ ଲାଗୁ ହେବ। ଯଦି ଆପଣଙ୍କର ଦମ୍ଭ ଅଛି, ତେବେ ଏହା ଲାଗୁ ନ କରି ଦେଖାଅ।
ଶୁଭେନ୍ଦୁ ଆହୁରି ମଧ୍ୟ କହିଛନ୍ତି, ୨୦୧୯ ଲୋକ ସଭା ନିର୍ବାଚନରେ ଜିତିବା ପରେ ମୋଦି ସରକାର ପ୍ରତିଶୃତି ଦେଇଥିଲେ କଶ୍ମୀରରେ ଧାରା ୩୭୦ ଉଠାଯିବ। ତାହା ଆମେ କରି ଦେଖାଇଛୁ। ସେହିଭଳି ଭାଜପା ସିଏଏ ଲାଗୁ କରିବାର ପ୍ରତିଶ୍ରୁତି ପୂରଣ କରିବ। କେନ୍ଦ୍ର ସରକାର କାହାର ଅଧିକାର ଛଡ଼ାଇ ନେବାରେ ବିଶ୍ୱାସ କରନ୍ତି ନାହିଁ। ଯେଉଁମାନେ ଏହିପରି ସରକାରଙ୍କ ବିରୋଧରେ ପ୍ରଚାର କରୁଛନ୍ତି ସେମାନେ କେବଳ ପରିବେଶକୁ ନଷ୍ଟ କରିବାକୁ ଚାହାଁନ୍ତି।
ଏହାପୂର୍ବରୁ ଦେଶର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଏକ ସାକ୍ଷାତକାରରେ କହିଥିଲେ, ଯେଉଁମାନେ ସିଏଏ ଲାଗୁ ନ କରିବାକୁ ସ୍ବପ୍ନ ଦେଖୁଛନ୍ତି ସେମାନେ ଏକ ବଡ଼ ଭୁଲ କରୁଛନ୍ତି।
