ମୁମ୍ବାଇ: ଆଜି ଅର୍ଥାତ୍ ନଭେମ୍ବର ୧ରେ ହେଉଛି ବିଶ୍ୱସୁନ୍ଦରୀ ତଥା ନୀଳନୟନା ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଜନ୍ମଦିନ। ଆଜିର ଏହି ଶୁଭଦିନରେ ଜାଣନ୍ତୁ ଅଭିନେତ୍ରୀଙ୍କ ଜୀବନର କିଛି ଖାସ୍ କଥା ସମ୍ପର୍କରେ…
ବିଶ୍ୱସୁନ୍ଦରୀ ଐଶ୍ୱର୍ଯ୍ୟା ୨୦୦୭ ଏପ୍ରିଲ ୨୦ରେ ବିଗ୍-ବି’ଙ୍କ ପୁଅ ଅଭିଷେକ ବଚ୍ଚନଙ୍କୁ ବିବାହ କରିଥିଲେ। ବିବାହ ପରେ ଐଶ୍ ବଚ୍ଚନ ପରିବାରରେ ବେଶ୍ ହସଖୁସିରେ ଜୀବନ କାଟୁଛନ୍ତି। ଶ୍ୱଶୁର ଅମିତାଭ ଆଉ ଶାଶୁ ଜୟା ବି ବୋହୂଙ୍କୁ ବହୁତ ଭଲ ପାଆନ୍ତି। ନଣନ୍ଦ ଶ୍ୱେତାଙ୍କ ସହ ଐଶ୍ଙ୍କର ପ୍ରୀତିଭରା ସମ୍ପର୍କ ରହିଛି। ଦୁହିଁଙ୍କୁ ବଲିଉଡ୍ର ପ୍ରସିଦ୍ଧ ନଣନ୍ଦ-ଭାଉଜ କୁହାଯାଏ। ପରସ୍ପରକୁ ସପୋର୍ଟ ବି କରିଥାନ୍ତି।
କିନ୍ତୁ ‘କଫି ଓ୍ବିଥ୍ କରଣ’ ଚାଟ୍ ଶୋ’ରେ ଶ୍ୱେତାଙ୍କୁ ଯେତେବେଳେ ପଚରା ଯାଇଥିଲା ଐଶ୍ୱର୍ଯ୍ୟାଙ୍କର କେଉଁ ଗୁଣ ଆପଣଙ୍କୁ ଖରାପ ଲାଗେ। ସେ ସଙ୍ଗେ ସଙ୍ଗେ କହିଥିଲେ, ଐଶ୍ୱର୍ଯ୍ୟା କେବେ କାହାକୁ କଲ୍ ବ୍ୟାକ୍ କରନ୍ତି ନାହିଁ। ମୋତେ ଐଶ୍ୱର୍ଯ୍ୟାଙ୍କର ଏହି ଗୁଣ ଆଦୌ ପସନ୍ଦ ନୁହେଁ। ଯିଏ ବି ହେଉ ସେ କାହାକୁ କଲ୍ ବ୍ୟାକ୍ କରନ୍ତିନି। ଶ୍ୱେତା କହିଥିଲେ, ଐଶ୍ୱର୍ଯ୍ୟା ବହୁତ ଭଲ। ସେ ତାଙ୍କୁ ବହୁତ ଭଲପାଆନ୍ତି। ତାଙ୍କ ପିଲାମାନଙ୍କୁ ଐଶ୍ୱର୍ଯ୍ୟା ଆରାଧ୍ୟାଙ୍କ ପରି ଭଲ ପାଆନ୍ତି। ଐଶ୍ ଏବଂ ତାଙ୍କ ମଧ୍ୟରେ ବେଶ୍ ସୁ-ସମ୍ପର୍କ ରହିଛି।