ବମ୍ବେ: ଟେଲିପରଦାର ସୁନ୍ଦରୀ ଅଭିନେତ୍ରୀଙ୍କ ମଧ୍ୟରୁ ଶ୍ୱେତା ତିଓ୍ବାରୀ ଜଣେ। ୪୦ ପାର୍ କରିଥିଲେ ସୁଦ୍ଧା ତାଙ୍କଠାରେ ବୟସର ଛାପ ପଡ଼ିନାହିଁ। ଏବେ ବି ସେ ପୂର୍ବଭଳି ଗ୍ଲାମରର୍ସ ଏବଂ ହଟ୍ ଲାଗନ୍ତି। ଅଭିନେତ୍ରୀ ନିଜର କାମ ସହ ବ୍ୟକ୍ତିଗତ ଜୀବନକୁ ନେଇ ମଧ୍ୟ ଚର୍ଚ୍ଚାରେ ରହିଥାନ୍ତି। କେବଳ ଏତିକି ନୁହେଁ ତାଙ୍କ ବୟାନକୁ ନେଇ ମଧ୍ୟ ବିଗତ ଦିନରେ ବହୁତ ବିବାଦ ଦେଖାଯାଇଛି।
ଶ୍ୱେତା ଏକ ବୟାନରେ ‘ମୋ ବ୍ରା ସାଇଜ୍ ଭଗବାନ ନେଉଛନ୍ତି’ ବୋଲି କହିଥିଲେ। ଏହାର ଭିଡିଓ ଭାଇରାଲ ହେବା ପରେ ସେ ଆଇନଜାଲରେ ଫସିଥିଲେ। ତାଙ୍କ ନାମରେ ଏଫଆଇଆର ମଧ୍ୟ କରାଯାଇଥିଲା।
୨୦୦୯ରେ ଏକ ରିଆଲିଟି ଶୋ’କୁ ନେଇ ଶ୍ୱେତା ବିବାଦକୁ ଆସିଥିଲେ। ବିକିନି ପିନ୍ଧି ଗାଧୋଇବାର ଏକ ଭିଡିଓ ଭାଇରାଲ ହେବା ପରେ ତାଙ୍କୁ ଲୋକେ କଟାକ୍ଷ କରିଥିଲେ।
ବିବାହ ପରେ ଛାଡ଼ପତ୍ରକୁ ନେଇ ଶ୍ୱେତା ମଧ୍ୟ ଚର୍ଚ୍ଚାରେ ରହିଥିଲେ। ତାଙ୍କ ପ୍ରଥମ ସ୍ବାମୀ ରାଜା ଚୌଧୁରୀଙ୍କ ସହ ୯ ବର୍ଷର ବିବାହ ଭାଙ୍ଗିଥିଲା। ରାଜା ଦୁର୍ବବ୍ୟହାର କରିଥିବା ଶ୍ୱେତା ଅଭିଯୋଗ କରିଥିଲେ।
ରାଜାଙ୍କ ପରେ ଶ୍ୱେତା ଅଭିନବଙ୍କୁ ଦ୍ୱିତୀୟ ବିବାହ କରିଥିଲେ। ଏହି ବିବାହ ମଧ୍ୟ ଭାଙ୍ଗିଥିଲା। ଉଭୟ ବିବାହରୁ ଶ୍ୱେତାଙ୍କର ଗୋଟିଏ ଲେଖାଏ ସନ୍ତାନ ରହିଛି। ଆଜି ଶ୍ୱେତା ନିଜର ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି।