ମୁମ୍ବାଇ: ବଲିଉଡକୁ ଉଜ୍ଜ୍ୱଳ ଚଳଚ୍ଚିତ୍ର ଦେଇଥିବା ପ୍ରଖ୍ୟାତ ଚଳଚ୍ଚିତ୍ର ନିର୍ଦ୍ଦେଶକ ଶ୍ୟାମ ବେନେଗାଲଙ୍କ ଦେହାନ୍ତ ହୋଇଛି। ମୃତ୍ୟୁ ବେଳେକୁ ତାଙ୍କୁ ୯୦ ବର୍ଷ ବୟସ ହୋଇଥିଲା। ଶ୍ୟାମ ବେନେଗାଲଙ୍କ ଝିଅ ପିଆ ବେନେଗାଲ ଶ୍ୟାମ ବାବୁଙ୍କ ମୃତ୍ୟୁକୁ ନିଶ୍ଚିତ କରିଛନ୍ତି। ଆଜି ମୁମ୍ବାଇ ସେଣ୍ଟ୍ରାଲସ୍ଥିତ ୱୋକାର୍ଟ ହସ୍ପିଟାଲରେ ସନ୍ଧ୍ୟା ୬.୩୮ରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି।
ଶ୍ୟାମ ବେନେଗାଲଙ୍କ ଚଳଚ୍ଚିତ୍ର ୮ଟି ଜାତୀୟ ପୁରସ୍କାର ଜିତିଛି। ଶ୍ୟାମ ବେନେଗାଲଙ୍କୁ ମଧ୍ୟ ଦାଦାସାହେବ ଫାଲକେ ପୁରସ୍କାର ମିଳିଛି। ସେ ତାଙ୍କ କ୍ୟାରିୟରରେ ୨୪ଟି ଚଳଚ୍ଚିତ୍ର, ୪୫ଟି ଡକ୍ୟୁମେଣ୍ଟାରୀ ଏବଂ ୧୫୦୦ ବିଜ୍ଞାପନ ଚଳଚ୍ଚିତ୍ର ନିର୍ମାଣ କରିଛନ୍ତି। ତାଙ୍କୁ ୧୯୭୬ରେ ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଥିଲା। ୧୯୯୧ ରେ ଶ୍ୟାମ ବେଗନଙ୍କୁ ପଦ୍ମ ଭୂଷଣ ମଧ୍ୟ ପ୍ରଦାନ କରାଯାଇଥିଲା।