ବାଲିଗୁଡ଼ା,୨୫।୧୦: କନ୍ଧମାଳ ଜିଲା ବାଲିଗୁଡ଼ା ଅଧିଷ୍ଠାତ୍ରୀ ଦେବୀ ମା’ ପାଟଖଣ୍ଡାଙ୍କ ପୀଠରେ ଶ୍ୟାମାକାଳୀ ପୂଜା ମା’ ପାଟଖଣ୍ଡା ଦୁର୍ଗାପୂଜା ସମିତି ଆନୁକୂଲ୍ୟରେ ଅନୁଷ୍ଠିତ ହୋଇଯାଇଛି। ଦୀପାବଳି ମଧ୍ୟରାତିରେ ରୀତିନୀତି ସହକାରେ ମା’ଙ୍କ ପୂଜାର୍ଚ୍ଚନା କରାଯାଇଥିଲା।
ମଙ୍ଗଳବାର ସୂର୍ଯ୍ୟପରାଗ ଥିବାରୁ ମା’ଙ୍କ ଦର୍ଶନ ବନ୍ଦ ରହିଛି। ବୁଧବାର ଶ୍ରଦ୍ଧାଳୁ ମା’ ଶ୍ୟାମାକାଳୀଙ୍କ ଦର୍ଶନ କରିପାରିବେ। ପୂଜାର କର୍ତ୍ତା ଭାବେ ଭଗବତୀ ପ୍ରସାଦ ସାବତ ଏବଂ ତାଙ୍କ ସ୍ତ୍ରୀ ଚିନୁ ପୂଜାକାର୍ଯ୍ୟ ସମ୍ପାଦନ କରିଥିଲେ। ପୂଜକ ପୂର୍ଣ୍ଣଚନ୍ଦ୍ର ଶତପଥୀ ଓ ଦେବାଶିଷ ରଥ ପୂଜା କରିଥିଲେ । ମା’ ପାଟଖଣ୍ଡା ଦୁର୍ଗାପୂଜା ସମିତି ସଭାପତି ଲୋକନାଥ ପାଢୀ, ସମ୍ପାଦକ ଟି. ଶ୍ରୀନିବାସ ରାଓ, ସହସମ୍ପାଦକ ସୁଜିତ କୁମାର ପାଳ, କୋଷାଧକ୍ଷ ନାଗେଶ୍ୱର ରାଓ, ଶ୍ରୀନିବାସ ଦୋରା, ମଦନମୋହନ ପାଢ଼ୀଙ୍କ ସହ ଅନ୍ୟମାନେ ସହଯୋଗ କରିଥିଲେ।