କୋକସରା,୧୭ା୧(ଡି.ଏନ.ଏ) : କିଛି ତଳେ କୋକସରା ବ୍ଲକ ଗମ୍ଭାରୀଗୁଡା ଛକ ଯାତ୍ରୀ ବିଶ୍ରାମଗାର ନିକଟରେ ଏକ ସଂକଟାପନ୍ନ ଅବସ୍ଥାରେ ଏକ ଓଟକୁ ଛାଡି ମାଲିକ ଫେରାର ହୋଇଯାଇଥିଲା । ସ୍ଥାନୀୟ କିଛି ଯୁବକ ଅସୁସ୍ଥ ଓଟର ଯତ୍ନ ନେବାସହ ପଶୁ ଡାକ୍ତରଙ୍କୁ ଡାକି ଚିକିତ୍ସା କରାଇଥିଲେ । ହେଲେ ସବୁ ଚେଷ୍ଟା ସତ୍ତ୍ୱେ ଆଖି ବୁଜିଦେଲା ଓଟ । ହେଲେ ମୃତ ଓଟକୁ କେମିତି ପୋତିବେ ସେନେଇ ସ୍ଥାନୀୟ ଲୋକ ଚିନ୍ତାରେ ବଢିଯାଇଥିଲା । ଏ ନେଇ ସ୍ଥାନୀୟ ଲୋକେ ଗଣମାଧ୍ୟମ ପ୍ରତିନିଧିଙ୍କ ଦୃଷ୍ଟି ଆକର୍ଷଣ କରିଥିଲେ। ଗଣମାଧ୍ୟମ ପ୍ରତିନିଧିଙ୍କ ହସ୍ତକ୍ଷେପ ପରେ ଗମ୍ଭାରୀଗୁଡା ସରପଞ୍ଚଙ୍କ ପ୍ରତିନିଧି ଧନ ସାହୁ ମାନବିକତା ଦେଖାଇ ଥିଲେ। ସେ ଏକ ଜେସିବି ଆଣି ସ୍ଥାନୀୟ ଲୋକଙ୍କ ସହଯୋଗରେ ଓଟକୁ ନିକଟସ୍ଥ ପଡ଼ିଆରେ ଗାତ ଖୋଲି ପୋତି ଦିଆଯାଇଛି।