ବେଙ୍ଗାଲୁରୁ,୧୬।୧୧ : କର୍ନାଟକ ଭାଜପା ଏମ୍ପି ପ୍ରତାପ ସିହ୍ମା ଏକ ଧାର୍ମିକ ନିର୍ମାଣକୁ ଧ୍ୱଂସ କରିବାକୁ ଧମକ ଦେଇଛନ୍ତି। ସେ କହିଛନ୍ତି ଯେ ମୁଁ ଏହାକୁ ସୋସିଆଲ ମିଡିଆରେ ଦେଖିଛି। ବସ ଷ୍ଟାଣ୍ଡରେ ତିନୋଟି ଗମ୍ବୁଜ ଅଛି। ସେଥିମଧ୍ୟରେ ଗୋଟିଏ ବଡ଼ ଏବଂ ଏହା ପାଖରେ ଦୁଇଟି ଛୋଟ ଗମ୍ବଜ ରହିଛି। ଏହା ଏକ ମସଜିଦ। ତିନି-ଚାରି ଦିନ ମଧ୍ୟରେ ଏହାକୁ ଭାଙ୍ଗିବାକୁ ମୁଁ ଇଞ୍ଜିନିୟରମାନଙ୍କୁ କହିଛି। ଯଦି ସେମାନେ ତାହା କରନ୍ତି ନାହିଁ, ତେବେ ମୁଁ ଏକ ଜେସିବି ନେଇ ଏହାକୁ ଭାଙ୍ଗିଦେବି।
ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ସିଦ୍ଧରମୈୟା ଭାଜପା ଏମ୍ପିଙ୍କ ବିବୃତ୍ତିକୁ ଟାର୍ଗେଟ କରି କହିଛନ୍ତି ଯେ ଜଣେ ଏମ୍ପି ହୋଇଥିବାରୁ ସେ ଏପରି କହିବା ଉଚିତ ନୁହେଁ। ଯେତେବେଳେ ସେମାନଙ୍କ ପାଖରେ ସାଧାରଣ ଜ୍ଞାନର ଅଭାବ ରହିଛି ଆମେ କ’ଣ କହିବୁ? ସରକାର ଏହାକୁ ନିର୍ମାଣ କରିବା ପାଇଁ ଟଙ୍କା ଖର୍ଚ୍ଚ କରିଥିବା ବେଳେ ସେ ଏକ ବସଷ୍ଟାଣ୍ଡକୁ ନଷ୍ଟ କରିବାକୁ କିଏ? ଏହା ତାଙ୍କ ଟଙ୍କା କି? ଏହା ହେଉଛି ସରକାରଙ୍କ ଟଙ୍କା। ଏଭଳି ଖାମଖିଆଲି ମନ୍ତବ୍ୟ ଦେଇ ଏମ୍ପି ଭୁଲ୍ କରିଛନ୍ତି। ଏହାକୁ ସୁଧାରି ନେବା ଉଚିତ।