ବେଙ୍ଗାଲୁରୁ,୧୮।୫: କର୍ନାଟକ ବିଧାନସଭା ନିର୍ବାଚନ ପରେ ଏବେ ମୁଖ୍ୟମନ୍ତ୍ରୀ ଓ ଉପ ମୁଖ୍ୟମନ୍ତ୍ରୀଙ୍କ ନାମ ଅଫିସିୟାଲି ଘୋଷଣା କରିଛି କଂଗ୍ରେସ। ମୁଖ୍ୟମନ୍ତ୍ରୀ ସିଦ୍ଦାରାମାୟା ହୋଇଥିବା ବେଳେ ଡି.କେ ଶିବକୁମାର ଏକେଲା ଉପ ମୁଖ୍ୟମନ୍ତ୍ରୀ ପଦ ପାଇଁ ଶପଥ ଗ୍ରହଣ କରିବେ ବୋଲି ନିଷ୍ପତ୍ତି ନିଆଯାଇଛି। ମେ’୨୦ ଅର୍ଥାତ୍ ଶନିବାର ଦିନ ୧୨ଟା ୩୦ରେ ଏହି ଶପଥଗ୍ରହଣ ଉତ୍ସବ ଅନୁଷ୍ଠିତ ହେବ। କଂଗ୍ରେସ ନେତା କେସି ଭେଣୁଗୋପାଳ କହିଛନ୍ତି ଏହିଦିନ ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀଙ୍କ ସହ ମନ୍ତ୍ରିମଣ୍ଡଳର ଅନ୍ୟ ମନ୍ତ୍ରୀମାନେ ବି ଶପଥ ଗ୍ରହଣ କରିବେ।