ବେଙ୍ଗାଲୁରୁ,୨।୪: କର୍ନାଟକରେ ଆସନ୍ତା ମାସରେ ହେବାକୁ ଯାଉଛି ବିଧାନସଭା ନିର୍ବାଚନ। କଂଗ୍ରେସ ଏବେ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିନାହିଁ। ହେଲେ ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ତ୍ତାମାନର ବିରୋଧି ଦଳ ନେତା ସିଦ୍ଧରମୈୟା ଚାହୁଁଛନ୍ତି ଯେ କାହା ପଛକୁ ରହିବେ ନାହିଁ। ଏବେ ତାଙ୍କ ପୁଅ ତଥା ବରୁଣାର ବିଧାୟକ ଯତିନ୍ଦ୍ର କହିଛନ୍ତି ସେ ତାଙ୍କ ପିତାଙ୍କୁ ପୁଣିଥରେ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହୁଁଛନ୍ତି।
ମାଣ୍ଡୟା ଜିଲାର ମାଲାବଲ୍ଲି ରେ ସାମ୍ବୋଧନ ଦେଇ ଯତିନ୍ଦ୍ର କହିଛନ୍ତି, ଜଣେ ପୁଅ ଭାବେ ମୁଁ ମୋ ବାପାଙ୍କୁ ପୁଣିଥରେ କର୍ନାଟକର ମୁଖ୍ୟମନ୍ତ୍ରୀ ପଦରେ ଦେଖିବାକୁ ଚାହୁଁଛି। ବିଲକୁଲ ମୋ ପିତା ବି କହୁଛନ୍ତି ସେ ପୁଣିଥରେ ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି। ସେ ରାଜ୍ୟକୁ ବିକାଶର ରାସ୍ତାରେ ନେଇଯାଇପାରିବେ।
ସୂଚନାଯୋଗ୍ୟ, ସିଦ୍ଧରମୈୟାଙ୍କୁ ଏଥର କଂଗ୍ରେସ ବରୁଣା ବିଧାନସଭା ଆସନରୁ ପ୍ରାର୍ଥୀ କରିଛି। ସେ କୋଲାର ଆସନରୁ ବି ନିର୍ବାଚନ ଲଢିବାକୁ ଚାହୁଁଛନ୍ତି। ସେଥିପାଇଁ ସେଠାରେ ସେ କ୍ଷେତ୍ର ପ୍ରସ୍ତୁତ କରି ରଖିଛନ୍ତି, ହେଲେ ଏବେ ପର୍ଯ୍ୟନ୍ତ ସେହି ଆସନ ପାଇଁ ପ୍ରାର୍ଥୀ ଚୁଡାନ୍ତ ହୋଇ ନାହାନ୍ତି।
