ଭୁବନେଶ୍ୱର, ୩।୪: ରାଜ୍ୟ ସରକାରଙ୍କୁ କଡ଼ା ସମାଲୋଚନା କଲେ ସିଦ୍ଧାନ୍ତ ମହାପାତ୍ର। ସେ ଉତ୍କଳ ଦିବସ ପାଳନକୁ ନେଇ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ୍ କରିଛନ୍ତି। ସେ କହିଛନ୍ତି, ମୁଖ୍ୟମନ୍ତ୍ରୀଙ୍କୁ ଯିବାକୁ ସମୟ ହେଲାନି, ସେ ନିଜ ପ୍ରତିନିଧିଙ୍କୁ ପଠାଇଲେ। ଭାଷା ସମ୍ମିଳନୀ ଆୟୋଜନ କଲେ, ବରପୁତ୍ରଙ୍କ ନାଁ ବି ଠିକ୍ ଭାବେ ନେଲେନି। ସଂଯୋଜକ ଭାବେ ଅଣଓଡ଼ିଆଙ୍କୁ ଦାୟିତ୍ୱ ଦେବା କି ଭାଷା ପ୍ରୀତି। କାନ୍ତ କବିଙ୍କୁ କଣ୍ଠ କବି କହି ଉପହାସ କରିଛନ୍ତି ରାଜ୍ୟ ସରକାର। ସିଦ୍ଧାନ୍ତ ଆହୁରି କହିଛନ୍ତି, ଓଡ଼ିଆ ଭାଷା ଓ ଅସ୍ମିତା ଉପରେ ବିପଦ ଆସିଲେ ଭାଜପା ସ୍ବର ଶାଣିତ କରିବ।
ଭୃଗୁ ବକ୍ସିପାତ୍ରଙ୍କ ଇସ୍ତଫା ପ୍ରସଙ୍ଗରେ ଭାଜପା ନେତା ସିଦ୍ଧାନ୍ତ ପ୍ରତିକ୍ରିୟା ଦେଇଛନ୍ତି। ବିଶ୍ୱାସ ଘାତକତା କିଏ କରୁଛି ବୋଲି ସେ ପ୍ରଶ୍ନ କରିଛନ୍ତି। ମୁଁ ଦଳ ଛାଡିବା ବେଳେ କହିଥିଲେ ମୁଁ ବିଶ୍ୱାସ ଘାତକତା କରିଛି। ଏବେ ଏହି ଦଳକୁ ବିଶ୍ୱସ ଘାତକତା କରିଥିବା ଲୋକଙ୍କୁ ବିଜେଡି ଆପଣାଉଛି।
ନିକଟରେ ସିଦ୍ଧାନ୍ତ ବିଜେଡି ଇସ୍ତଫା ଦେଇଥିଲେ। ଏହା ପରେ ସେ ଭାଜପାରେ ସାମିଲ ହୋଇଥିଲେ। ଦଳ ତାଙ୍କୁ ଦିଗପହଣ୍ଡି ବିଧାନସଭା ଆସନରୁ ଟିକେଟ୍ ଦେଇଛି।