ବମ୍ବେ: ବିଗ୍ବସ୍ର ଲୋକପ୍ରିୟ ଯୋଡ଼ି ଶେହନାଜ ଗିଲ-ସିଦ୍ଧାର୍ଥ ଶୁକ୍ଳାଙ୍କ ବ୍ରେକ୍ଅପ୍କୁ ନେଇ ଚର୍ଚ୍ଚା। କଥାଟି କେତେ ସତ କେତେ ମିଛ ତାହା ଜଣାପଡ଼ି ନାହିଁ। ହେଲେ ବ୍ରେକ୍ଅପ୍ ଗୁଜବକୁ ନେଇ ମୁହଁ ଖୋଲିଛନ୍ତି ସିର୍ଦ୍ଧାର୍ଥ। ଟୁଇଟରରେ ସେ ପୋଷ୍ଟ କରି କହିଛନ୍ତି, କିଛି ଖବର ଶୁଣିବାକୁ ଏବଂ ପଖିବାକୁ ମିଳୁଛି। ବହୁତ ହସ ଲାଗୁଛି। ଚମକାଇବାର ଇଚ୍ଛା ଯଦି ଇଚ୍ଛା ଅଛି ତେବେ ଭଲ ଖବର ଲେଖ। ଏତେ ନକରାତ୍ମକତା କେଉଁଠୁ ଆଣୁଛ। ମୋ ବିଷୟରେ ମୋଠାରୁ ଅଧିକ କେହି କିଭଳି ଜାଣିପାରିବ। ଏପରି ତ ମୁଁ କହିପାରିବି। ଭଗବାନ ସମସ୍ତଙ୍କୁ ଆଶୀର୍ବାଦ ଦିଅନ୍ତୁ ବୋଲି ସେ କହିଛନ୍ତି।
କହିରଖୁଛୁ, ବିଗ୍ବସ୍ ଘରେ ସିଦ୍ଧାର୍ଥ ଏବଂ ଶେହନାଜଙ୍କ ମଧ୍ୟରେ ବନ୍ଧୁତା ହୋଇଥିଲା। ଉଭୟଙ୍କ ସମ୍ପର୍କ ପ୍ରଶଂସକଙ୍କୁ ପସନ୍ଦ ଆସିଥିଲା। ସିଦ୍ଧାର୍ଥ ଶେହନାଜଙ୍କୁ ତାଙ୍କର ଜଣେ ଭଲ ବନ୍ଧୁ ବୋଲି କହିବା ସହ ତାଙ୍କ ସହ ସବୁବେଳେ ରହିବେ ବୋଲି କହିଥିଲେ। ଅପରପକ୍ଷେ ଶେହନାଜ ତାଙ୍କୁ ଏକତରଫା ଭଲ ପାଉଥିବା ସ୍ବିକାର କରିଥିଲେ। ହେଲେ ଏବେ ସବୁକିଛି ଠିକ୍ ଚାଲି ନ ଥିବା ଅନୁମାନ କରାଯାଉଛି। ଏନେଇ ପ୍ରତ୍ୟେହ ନୂଆ ନୂଆ କଥା ଶୁଣିବାକୁ ମିଳୁଛି।