ଗ୍ୟାଙ୍ଗଟକ୍,୧୭।୧: ସିକ୍କିମ ମୁଖ୍ୟମନ୍ତ୍ରୀ ପ୍ରେମ ସିଂ ତମାଙ୍ଗ ଅଧିକ ସନ୍ତାନ ଜନ୍ମ କରିବାକୁ ଅପିଲ କରିଛନ୍ତି। ଦକ୍ଷିଣ ସିକ୍କିମର ଜୋରଥାଙ୍ଗ ସହରରେ ମାଘ ସଂକ୍ରାନ୍ତି କାର୍ଯ୍ୟକ୍ରମକୁ ସମ୍ବୋଧିତ କରି ସେ କହିଛନ୍ତି, ସିକ୍କିମରେ ନିକଟ ବର୍ଷରେ ଜନ୍ମହାର କମିବାରେ ଲାଗିଛି। ଫଳରେ ସ୍ଥାନୀୟ ଜନ ସମୁଦାୟର ଜନସଂଖ୍ୟା ହ୍ରାସ ପାଉଛି। ତେଣୁ ପ୍ରଜନନ ହାର ବୃଦ୍ଧି ପାଇଁ ଅଧିକ ପ୍ରୋତ୍ସାହନ ରାଶି ଘୋଷଣା କରାଯାଇଛି।
ତମାଙ୍ଗ କହିଛନ୍ତି, ଆମେ ସ୍ଥାନୀୟ ମହିଳାଙ୍କୁ ଅଧିକ ସନ୍ତାନ ପ୍ରସବ କରିବାକୁ ପ୍ରୋତ୍ସାହିତ କରି ହ୍ରାସ ପାଉଥିବା ପ୍ରଜନନ ହାରକୁ ରୋକିବା ଆବଶ୍ୟକ। ଆମ ସରକାର ପ୍ରଥମ ଦଫାରେ ମହିଳାମାନଙ୍କୁ ୩୬୫ ଦିନ ମାତୃତ୍ୱ ଛୁଟି ଏବଂ ପୁରୁଷ କର୍ମଚାରୀମାନଙ୍କୁ ୩୦ ଦିନ ପୈତୃକ ଛୁଟି ପ୍ରଦାନ କରାଯାଇଛି। ଏହା ଦ୍ୱାରା ସେମାନେ ସନ୍ତାନ ପ୍ରାପ୍ତି ପାଇଁ ଉତ୍ସାହିତ ହୋଇପାରିବେ।
ଏହା ବ୍ୟତୀତ ଦ୍ୱିତୀୟ ଶିଶୁଙ୍କ ପାଇଁ ଗୋଟିଏ ବୃଦ୍ଧି ଏବଂ ତୃତୀୟ ଶିଶୁଙ୍କ ପାଇଁ ମହିଳା କର୍ମଚାରୀଙ୍କ ରାଜ୍ୟ ସରକାର ମହିଳା କର୍ମଚାରୀଙ୍କୁ ଦ୍ୱିତୀୟ ସନ୍ତାନ ଜନ୍ମ ପାଇଁ ଗୋଟିଏ ବେତନ ବୃଦ୍ଧି ଏବଂ ତୃତୀୟ ସନ୍ତାନ ଜନ୍ମ ପାଇଁ ଦୁଇଟି ବେତନ ବୃଦ୍ଧି କରିବାକୁ ପ୍ରସ୍ତାବ ଦେଇଛନ୍ତି। ସାଧାରଣ ଲୋକ ମଧ୍ୟ ଏକାଧିକ ସନ୍ତାନ ଜନ୍ମ ପାଇଁ ଆର୍ଥିକ ସହାୟତା ପାଇବାକୁ ଯୋଗ୍ୟ ହେବେ, ଯାହାର ସବିଶେଷ ତଥ୍ୟ ସ୍ବାସ୍ଥ୍ୟ ଏବଂ ମହିଳା ଏବଂ ଶିଶୁ ଯତ୍ନ ବିଭାଗ ଦ୍ୱାରା ପ୍ରସ୍ତୁତ କରାଯିବ।
ତମାଙ୍ଗ ଆହୁରି ମଧ୍ୟ କହିଛନ୍ତି, ତାଙ୍କ ସରକାର ସିକ୍କିମର ଡାକ୍ତରଖାନାଗୁଡ଼ିକରେ ‘ଆଇଭିଏଫ’ (ଭିଟ୍ରୋ ଫର୍ଟିଲାଇଜେସନ) ସୁବିଧା ଆରମ୍ଭ କରିଛନ୍ତି, ଯାହା ଦ୍ୱାରା ମହିଳାମାନେ ସ୍ବାଭାବିକ ଭାବରେ ଗର୍ଭଧାରଣ କରିବାକୁ ଉତ୍ସାହିତ ହୋଇପାରିବେ। ଏହି ପ୍ରକ୍ରିୟା ମାଧ୍ୟମରେ ପିଲାମାନଙ୍କୁ ଜନ୍ମ ଦେଉଥିବା ସମସ୍ତ ମାତାଙ୍କୁ ତିନି ଲକ୍ଷ ଟଙ୍କା ଅନୁଦାନ ଦିଆଯିବ।