ଭୁବନେଶ୍ୱର, ୧।୬ (କ୍ରୀଡ଼ା ପ୍ରତିନିଧି): ଉତ୍ତର ପ୍ରଦେଶରେ ଚାଲିଥିବା ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ାରେ ବୁଧବାର କିଟ୍କୁ ଗୋଟିଏ ଲେଖାଏ ରୌପ୍ୟ ଓ ବ୍ରୋଞ୍ଜ ପଦକ ମିଳିଛି। ଗୋରଖପୁରରେ ଅନୁଷ୍ଠିତ ମହିଳା ୫୦୦ ମିଟର ଡବଲ୍ ସ୍କଲ୍ (ଡବ୍ଲ୍ୟୁ୨ଏକ୍ସ) ଇଭେଣ୍ଟରେ ଅବିନାଶ କୌର ଓ ଅନୁପ୍ରୀତ କୌର ରୌପ୍ୟ ପଦକ ଜିତିଛନ୍ତି। ସେହିପରି ନଏଡାର ଜିବି ୟୁନିଭର୍ସିଟି ଇନ୍ଡୋର ହଲ୍ରେ ଅନୁଷ୍ଠିତ ଭାରୋତ୍ତୋଳନର ପୁରୁଷ ୬୭ କେଜି ବର୍ଗରେ ସଚିନ ରାଉତ ୨୫୨ (ସ୍ନାଚ୍ରେ ୧୧୪ ଓ କ୍ଲିନ୍ ଆଣ୍ଡ ଜର୍କରେ ୧୩୮ କେଜି) କେଜି ଉତ୍ତୋଳନ କରି ବ୍ରୋଞ୍ଜ ପଦକ ହାସଲ କରିଛନ୍ତି।