ଭୁବନେଶ୍ୱର,୩୦।୧୧ (ଅଭୟ ଦାଶ): କ୍ରମାଗତ ଭାବେ ରୁପା ଦର ଘରୋଇ ବଜାରରେ ବଢ଼ି ଚାଲିଛି। ଏପରିକି କିଛିଦିନର ସ୍ଥିରତା ପରେ ପୁଣି ଥରେ ରୁପା ଦର ୧,୦୦,୦୦୦ ଟଙ୍କା ପାର କରିଛି। ଶୁକ୍ରବାର ଭୁବନେଶ୍ୱରରେ ରୁପା କିଲୋଗ୍ରାମ ପିଛା ୧,୦୧,୦୦୦ ଟଙ୍କାରେ କାରବାର ହେଉଥିଲା ବେଳେ ସୁନା ଦର ୨୪ କ୍ୟାରେଟ ସୁନା ପ୍ରତି ୧୦ଗ୍ରାମ ପିଛା ୭୮,୦୩୦ ଟଙ୍କାରେ ବିକ୍ରି ହେଉଛି। ସେହିଭଳି ଘରୋଇ ବଜାରରେ ସୁନା ଦର ୨୨ କ୍ୟାରେଟ ସୁନା ପ୍ରତି ୧୦ ଗ୍ରାମ ପିଛା ୭୧,୬୦୦ଟଙ୍କା ଏବଂ ୧୮ କ୍ୟାରେଟ ସୁନା ପ୍ରତି ୧୦ ଗ୍ରାମ ପିଛା ୫୮,୫୮୦ଟଙ୍କାରେ ବିକ୍ରି ହେଉଥିଲାବେଳେ ପ୍ଲାଟିନମ୍ ଅଳଙ୍କାର ମୂଲ୍ୟ ପ୍ରାୟ ୩୩,୦୦୦ ଟଙ୍କାରେ ରହିଛି।
ଉଲ୍ଲେଖଯୋଗ୍ୟ, ଅନ୍ତଃରାଷ୍ଟ୍ରୀୟ ସମସ୍ୟା ଓ ଭୂ-ରାଜନୈତିକ କାରଣରୁ ବୈଶ୍ୱିକସ୍ତରରେ ସୁନା ଦର ବୃଦ୍ଧି ପାଉଥିବାବେଳେ ଭାରତୀୟ ବଜାରରେ ସୁନାର ଦର କିଛି ପାରିମାଣରେ ହ୍ରାସ ପାଇଛି। ଏପରିକି ଆମେରିକୀୟ ଡାଲର (ୟୁଏସ୍ ଡଲାର)ର ମୂଲ୍ୟ ହ୍ରାସ ଯୋଗୁ ବିଶ୍ୱସ୍ତରରେ ସୁନାର ମୂଲ୍ୟ ବୃଦ୍ଧି ପାଇଛି। ସେହିପରି ଶୁକ୍ରବାର ବୈଶ୍ୱିକସ୍ତରରେ ସୁନା ଦର ପ୍ରତି ଆଉନ୍ସ ପିଛା ୦.୭% ବା ୨୬୬୦.୦୩ ଡଲାର ବଢିଥିଲାବେଳେ ଭାରତୀୟ ବଜାରରେ ସୁନା ମୂଲ୍ୟ ପ୍ରାୟ ୨% ହ୍ରାସ ପାଇଛି। ଶୁକ୍ରାବାର ନିଆଦିଲ୍ଲୀରେ ସୁନା ଦର ପ୍ରାୟ ୩୦୦ ଟଙ୍କା ହ୍ରାସ ଘଟି ୭୮,୦୦୦ ଟଙ୍କା ତଳେ ରହିଛି। ଏପରିକି ୨୪ କ୍ୟାରେଟ ସୁନା ପ୍ରତି ୧୦ ଗ୍ରାମ ପିଛା ୭୭,୫୧୩ ଟଙ୍କାରେ ବିକ୍ରି ହେଉଛି।
ସେହିଭଳି ନୂଆଦିଲ୍ଲୀ ବଜାରରେ ସୁନା ଦର ୨୨ କ୍ୟାରେଟ ସୁନା ପ୍ରତି ୧୦ ଗ୍ରାମ ପିଛା ୭୧,୦୬୩ ଟଙ୍କା ଏବଂ ୧୮ କ୍ୟାରେଟ ସୁନା ପ୍ରତି ୧୦ ଗ୍ରାମ ପିଛା ୫୮,୪୩୦ ଟଙ୍କାରେ ବିକ୍ରି ହେଉଥିଲାବେଳେ ପ୍ଲାଟିନମ୍ ଅଳଙ୍କାର ମୂଲ୍ୟ ୩୨, ୫୦୦ ଟଙ୍କାରେ ରହିଛି। ଏପରିକି ରୁପା କିଲୋଗ୍ରାମ ପିଛା ୯୨,୦୦୦ ଟଙ୍କାରେ କାରବାର ହେଉଛି। ସେହିପରି ଚେନ୍ନାଇ,ମୁମ୍ବାଇ ଏବଂ କୋଲକାତା ବଜାରରେ ୨୪ କ୍ୟାରେଟ ସୁନା ପ୍ରତି ୧୦ଗ୍ରାମ ପିଛା ୭୭,୩୬୧ ଟଙ୍କା, ୭୭୩୬୭ ଟଙ୍କା ଏବଂ ୭୭ ୩୬୫ ଟଙ୍କାରେ କାରବାର ହେଉଥିଲାବେଳେ ଉପରୋକ୍ତ ମହାନଗରଗୁଡିକରେ ରୁପା କିଲୋଗ୍ରାମ ପିଛା ୧,୦୦,୬୦୦ ଟଙ୍କା, ୯୧,୮୦୦ ଟଙ୍କା ଏବଂ ୯୩,୩୦୦ ଟଙ୍କା ରହିଛି।
