ଭୁବନେଶ୍ୱର,୧୫ା୫(ବ୍ୟୁରୋ): ଗଞ୍ଜାମ ଜିଲା ଆସିକାର ପୂର୍ବତନ କଂଗ୍ରେସ ବିଧାୟକ ସରୋଜ ପାଢ଼ି ନିଖୋଜ ଘଟଣାକୁ ତିନିଦିନ ବିତିଯାଇଥିଲେ ମଧ୍ୟ ଏଯାବତ୍ ତାଙ୍କର କୌଣସି ପତ୍ତା ମିଳିପାରିନାହିଁ। ସେପଟେ ସରୋଜଙ୍କୁ ଖୋଜାଖୋଜି ଚାଲିଛି ବୋଲି ଡିସିପି ପ୍ରତୀକ ସିଂ କହିଛନ୍ତି । ଏଥିସହ ରେଲୱେ ଷ୍ଟେଶନ ,ବସ୍ଷ୍ଟାଣ୍ଡ,ଏୟାରପୋର୍ଟକୁ ଅବଗତ କରାଯିବା ସହ କମିଶନରେଟ ପୋଲିସର ଏକ ସ୍ବତନ୍ତ୍ର ଟିମ ଗଠନ କରାଯାଇଛି। ସୂଚନାନୁଯାୟୀ ସରୋଜ ପରିବାର ସହ ଭୁବନେଶ୍ୱର ୟୁନିଟ୍-୬ ସ୍ଥିତ ଏକ ଆପାର୍ଟମେଣ୍ଟରେ ରହୁଛନ୍ତି। ଗତ ୧୨ ତାରିଖ ସକାଳ ସେ ଘରୁ ବାହାରି କେଉଁଆଡ଼େ ଚାଲି ଯାଇଥିଲେ। ତା’ପରଠୁ ଘରକୁ ଆଉ ଫେରି ନ ଥିଲେ। ତାଙ୍କ ମୋବାଇଲକୁ ପରିବାର ଲୋକେ ଫୋନ କରିବାରୁ ସୁଇଚ୍ ଅଫ୍ ଜଣାପଡ଼ିଥିଲା। ପରିବାର ଲୋକେ ବହୁ ଖୋଜାଖୋଜି କରି ନ ପାଇବାରୁ ଉକ୍ତ ଦିନ ପୁଅ ସଙ୍ଗୀତ କ୍ୟାପିଟାଲ ଥାନାରେ ଅଭିଯୋଗ କରିଥିଲେ। ପୋଲିସ ଏକ ନିଖୋଜ ମାମଲା ( ନଂ.୧୩/୨୦୨୨) ରୁଜୁ କରି ସରୋଜଙ୍କୁ ଖୋଜାଖୋଜି କରୁଛି।