ନୁଆଦିଲ୍ଲୀ, ୧୬।୫: ରେକର୍ଡ ପ୍ରଫିଟ ହାସଲ କରିବା ପରେ ସିଙ୍ଗାପୁର ଏୟାରଲାଇନ୍ ଏହାର କର୍ମଚାରୀଙ୍କୁ ୮ ମାସର ଦରମା ବୋନସ୍ ଆକାରରେ ଦେବାକୁ ଘୋଷଣା କରିଛି। କରୋନା ସମୟରେ କରିଥିବା ପରିଶ୍ରମ ପାଇଁ ୨୦୨୩ ରେ କମ୍ପାନୀ ୬.୬୫ ମାସର ବୋନସ୍ ପ୍ରଦାନ କରିଥିଲା।
ମାର୍ଚ୍ଚ ୩୧, ୨୦୨୪ ରେ ଶେଷ ୧୨ ମାସ ପାଇଁ ସିଙ୍ଗାପୁର ଏୟାରଲାଇନ୍ର ଆୟ ୨୪% ବୃଦ୍ଧି ପାଇ ୨.୭ ବିଲିୟନ ଡ଼ଲାରରେ ପହଞ୍ଚିଛି, ଉନ୍ନତ ଅପରେଟିଂ କାର୍ଯ୍ୟଦକ୍ଷତା, ଟିକସ ଖର୍ଚ୍ଚ ଏବଂ ସହଯୋଗୀମାନଙ୍କ ଲାଭ ଦ୍ୱାରା ପରିଚାଳିତ ପାଇଁ ଏହା ସମ୍ବବ ହୋଇଛି।
ଯାତ୍ରୀ ୭.୬% ହ୍ରାସ ସତ୍ତ୍ୱେ ରାଜସ୍ବ ୭% ବୃଦ୍ଧି ହୋଇ ୧୯ ବିଲିୟନ ଡ଼ଲାରରେ ପହଞ୍ଚିଛି। କାର୍ଗୋ ବିକ୍ରି ପ୍ରାୟ ୪୦% ହ୍ରାସ ପାଇ ୨.୧ ବିଲିୟନ ଡ଼ଲାରରେ ପହଞ୍ଚିଛି।
ଯଦିଓ ଇ-ବାଣିଜ୍ୟର ଚାହିଦା ହେତୁ କାର୍ଗୋ ଭାର ୧.୭% ବୃଦ୍ଧି ପାଇଛି, ଯାହା ପୂର୍ବ ବର୍ଷ ତୁଳନାରେ ୪୨.୨% କମ ଥିଲା କିନ୍ତୁ ପ୍ରାକ-ମହାମାରୀ ସ୍ତରଠାରୁ ପ୍ରାୟ ୩୦% ଅଧିକ । ମୋଟ ବ୍ୟୟ ୮% ବୃଦ୍ଧି ହୋଇ ୧୬.୩ ବିଲିୟନ ଡ଼ଲାରରେ ପହଞ୍ଚିଛି, ଅଣ ଇନ୍ଧନ ମୂଲ୍ୟ ୧୩.୫% ବୃଦ୍ଧି ହୋଇଥିବାବେଳେ ନିଟ ଇନ୍ଧନ ମୂଲ୍ୟ ୨.୫% ହ୍ରାସ ପାଇଛି।