ସିଙ୍ଗାପୁର,୨୮।୯: ସିଙ୍ଗାପୁରର ଜଣେ ଭାରତୀୟ ମୂଳବାସିନ୍ଦା ମହିଳା ନକଲି କଲ କରି ପୋଲିସକୁ ହଇରାଣ କରୁଥିବା ଅଭିଯୋଗ ହୋଇଛି। ମହିଳା ଜଣକ ତାଙ୍କର ଜଣେ ବନ୍ଧୁଙ୍କ ଆତ୍ମହତ୍ୟା ଉଦ୍ୟମ ସଂପର୍କରେ ପୋଲିସକୁ ଡାକିଥିଲେ, କିନ୍ତୁ ଯାଞ୍ଚ ପରେ କଲ୍ଟି ନକଲି ବୋଲି ଜଣାପଡିଛି। ମହିଳାଙ୍କ ବିରୋଧରେ ଚାର୍ଜସିଟ କରାଯାଇଛି। ଚାର୍ଜସିଟ ଅନୁଯାୟୀ, ମହିଳା ଅଗଷ୍ଟ ୨୬ରେ ଦୁଇଥର ପୋଲିସକୁ ଫେକ୍ କଲ କରିଥିଲେ।
ଖବର ଅନୁଯାୟୀ ଅଭିଯୁକ୍ତ ମହିଳା ସଲବିନ୍ଦର କୌରଙ୍କୁ ପୋଲିସ ଗିରଫ କରିଛି। ଅଭିଯୋଗ ହୋଇଛି ଯେ ମହିଳା ଜଣକ ପୋଲିସକୁ ଫୋନ କରି କହିଥିଲେ ଯେ ତାଙ୍କ ସାଙ୍ଗ ପାସିର ରିସ ହାଉସିଂ ଇଷ୍ଟେଟରେ ଥିବା ଏକ ହାଉସିଂ ବୋର୍ଡ ଫ୍ଲାଟରେ ଆତ୍ମହତ୍ୟା ଉଦ୍ୟମ କରିଥିଲେ, କିନ୍ତୁ ଯାଞ୍ଚ ବେଳେ ଏହି ଦାବି ମିଥ୍ୟା ବୋଲି ଜଣାପଡିଛି। ଅନୁସନ୍ଧାନ ପରେ ପୋଲିସ କହିଛି ଯେ ମହିଳା ଜଣକ ଜାଣିଶୁଣି ଏହି ନ କଲି କଲ କରିଛନ୍ତି। ତଦନ୍ତ ପରେ ପୋଲିସ ଅଭିଯୁକ୍ତ ମହିଳାଙ୍କୁ ବେଆଇନ କାର୍ଯ୍ୟକଳାପରେ ସମ୍ପୃକ୍ତ ଥିବାରୁ ପୋଲିସକୁ ହଇରାଣ କରିଥିଲା।
ପୋଳଇସର ସୂଚନା ଅନୁଯାୟୀ, ଜାନୁୟାରୀରୁ ଅଗଷ୍ଟ ମଧ୍ୟରେ ସିଙ୍ଗାପୁର ପୋଲିସକୁ ପ୍ରାୟ ୧.୩ ନିୟୁତ ଜରୁରୀକାଳୀନ କଲ ଆସିଥିଲା। ଏହିପରି, ସିଙ୍ଗାପୁର ପୋଲିସ ପ୍ରତିଦିନ ପ୍ରାୟ ୫ହଜାର ଏମରଜେନ୍ସି କଲ ପାଇଥାଏ। ଏହି ୫ ହଜାର ମଧ୍ୟରୁ ୪ହଜାର ମୋବାଇଲ ଫୋନରୁ କଲ କରାଯାଇଛି। ନକଲି କଲ ଯୋଗୁଁ ପ୍ରକୃତ ଜରୁରୀକାଳୀନ କଲ ଜବାବରେ ବିଳମ୍ବ ହେଉଛି ବୋଲି ପୋଲିସ କହିଛି। ପୋଲିସ କହିଛି ଯେ ଜରୁରୀକାଳୀନ ହଟଲାଇନ ନମ୍ବରର ଅପବ୍ୟବହାର ଏକ ଅପରାଧ ଏବଂ ଯଦି ଏଥିରେ କେହି ଦୋଷୀ ସାବ୍ୟସ୍ତ ହୁଏ ତେବେ ଏହା ଏକ ବର୍ଷ ଜେଲ ଏବଂ ୫ ହଜାର ସିଙ୍ଗାପୁର ଡଲାର ଜରିମାନା ଦେଇପାରେ।