ସିଙ୍ଗାପୁର,୧୫।୪: ସିଙ୍ଗାପୁର ପ୍ରଧାନମନ୍ତ୍ରୀ ଲି ସିନ ଲୁଙ୍ଗ ସୋମବାର କହିଛନ୍ତି ଯେ ସେ ଆସନ୍ତା ୧୫ମେ’ ରେ ନିଜ ପଦରୁ ଇସ୍ତଫା ଦେବେ। ପରବର୍ତ୍ତୀ ପ୍ରଧାନମନ୍ତ୍ରୀ ଭାବରେ ଲରେନ୍ସ ୱଙ୍ଗ ନିଯୁକ୍ତ ହେବେ। ସେ ବର୍ତ୍ତମାନ ଦେଶର ଉପପ୍ରଧାନମନ୍ତ୍ରୀ ଅଟନ୍ତି। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏକ ବିବୃତ୍ତିରେ ହସ୍ତାନ୍ତର ତାରିଖ ଘୋଷଣା କରାଯାଇଛି। ଏକ ଫେସବୁକ ପୋଷ୍ଟରେ ୭୨ ବର୍ଷୀୟ ଲି କହିଛନ୍ତି ଯେ କୌଣସି ଦେଶ ପାଇଁ ନେତୃତ୍ୱ ପରିବର୍ତ୍ତନ ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତ ।
ଏକ ବିବୃତ୍ତିରେ କୁହାଯାଇଛି ଯେ ମୁଁ ୧୫ମେ’ ୨୦୨୪ରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବି ଏବଂ ଡିପିଏମ ଲରେନ୍ସ ୱଙ୍ଗ ପରବର୍ତ୍ତୀ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିବେ।
ଲି ୨୦୦୪ରୁ ସିଙ୍ଗାପୁରର ତୃତୀୟ ପ୍ରଧାନମନ୍ତ୍ରୀ ତଥା ଶାସକ ପିପୁଲ୍ସ ଆକ୍ସନ ପାର୍ଟିର ସେକ୍ରେଟେରୀ ଜେନେରାଲ ଭାବରେ କାର୍ଯ୍ୟ କରିଛନ୍ତି। ସେ କହିଛନ୍ତି, ଲରେନ୍ସ ଏବଂ ୪ଜି ଦଳ କରୋନା ମହାମାରୀ ସମୟରେ କଠିନ ପରିଶ୍ରମ କରିଛନ୍ତି।
