ମୁମ୍ବାଇ: ବଲିଉଡ ସୁପରଷ୍ଟାର ଅଜୟ ଦେବଗନ ବର୍ତ୍ତମାନ ତାଙ୍କ ଅପକମିଙ୍ଗ୍ ଫିଲ୍ମ ‘ଭୋଳା’କୁ ନେଇ ଚର୍ଚ୍ଚାରେ ଅଛନ୍ତି। ଯଦି ଆମେ ଅଜୟ ଦେବଗନଙ୍କ ସର୍ବୋତ୍ତମ ଚଳଚ୍ଚିତ୍ର ବିଷୟରେ କହିବା ତେବେ ଫିଲ୍ମ ‘ସିଙ୍ଘମ’ନାମ ନିଶ୍ଚିତ ଭାବରେ ଶୀର୍ଷ ତାଲିକାରେ ଅନ୍ତର୍ଭୂକ୍ତ ହେବ। ଏବେ ପର୍ଯ୍ୟନ୍ତ ଅଜୟ ‘ସିଙ୍ଘମ’ ଏବଂ ‘ସିଙ୍ଘମ ରିଟର୍ନସ୍’ ମାଧ୍ୟମରେ ଦର୍ଶକଙ୍କୁ ବହୁତ ମନୋରଞ୍ଜନ କରିଛନ୍ତି। ଏଥିସହିତ ‘ସିଙ୍ଘମ ଏଗେନ୍’ ତଥା ଫିଲ୍ମର ତୃତୀୟ ଭାଗକୁ ନେଇ ପୂର୍ବରୁ ନିର୍ଦ୍ଦେଶକ ରୋହିତ ଶେଟ୍ଟୀ ଘୋଷଣା କରିଥିଲେ। ତେବେ ଏହି ସମୟରେ
‘ସିଙ୍ଘମ ଏଗେନ୍’ ର ରିଲିଜ ତାରିଖ ବିଷୟରେ ଏକ ଖବର ସାମ୍ନାକୁ ଆସିଛି। ସୋମବାର ପ୍ରସିଦ୍ଧ ଚଳଚ୍ଚିତ୍ର ସମାଲୋଚକ ତରଣ ଆଦର୍ଶଙ୍କଠାରୁ ଏକ ବଡ ଅପ୍ଡେଟ ସାମ୍ନାକୁ ଆସିଛି। ବାସ୍ତବରେ, ତରଣ ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏକ ନୂତନ ପୋଷ୍ଟ ଶେୟାର କରି ସୂଚନା ଦେଇଛନ୍ତି ଯେ ନିର୍ଦ୍ଦେଶକ ରୋହିତ ଶେଟ୍ଟୀ ଏବଂ ଅଭିନେତା ଅଜୟ ଦେବଗନଙ୍କ ଆଗାମୀ ଚଳଚ୍ଚିତ୍ର ‘ସିଙ୍ଘମ ଏଗେନ୍’ ୨୦୨୪ ଦିଓ୍ବାଲୀ ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିବ।
