ଟ୍ରେଣ୍ଟ ବ୍ରିଜ୍, ୮।୮: ପ୍ରଥମ ଟେଷ୍ଟ ମ୍ୟାଚ୍ର ଚତୁର୍ଥ ଦିନ ତଥା ଶନିବାର ମୁହଁାମୁହିଁ ସ୍ଥିତିକୁ ଆସିଥିଲେ ଭାରତୀୟ ପେସର ମହମ୍ମଦ ସିରାଜ ଓ ଇଂଲଣ୍ଡ ଅଲରାଉଣ୍ଡର ସାମ କୁରାନ। ଭାରତୀୟ ପେସରଙ୍କ ବଲକୁ ଚୌକା ମାରିବା ପରେ ଉଭୟଙ୍କ ମଧ୍ୟରେ କଥା କଟାକଟି ହୋଇଥିଲା। କିନ୍ତୁ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲିଙ୍କ ହସ୍ତକ୍ଷେପ ପରେ ନିୟନ୍ତ୍ରଣକୁ ଆସିଥିଲା ପରିସ୍ଥିତି।
ଇଂଲଣ୍ଡ ବ୍ୟାଟିଂ କରୁଥିବା ବେଳେ ୭୪ତମ ଓଭରରେ ଏହି ଘଟଣା ଘଟିଥିଲା। ଘରୋଇ ଦଳର ଅଧିନାୟକ ଜୋ ରୁଟ୍ କ୍ୟାରିୟରର ୨୧ତମ ଶତକ ହାସଲ କରି ଖେଳୁଥିଲେ। ଅନ୍ୟପକ୍ଷରେ ଆଟାକିଂ ଷ୍ଟାଇଲରେ ବ୍ୟାଟିଂ କରୁଥିଲେ କୁରାନ। ସିରାଜଙ୍କ ଏକ ଶଟ୍ ବଲକୁ କୁରାନ ଜୋରଦାର ଚୌକା ଲଗାଇଥିଲେ। ଏଥିରେ ରାଗି ଯାଇ କୁରାନଙ୍କ ମୁହଁରେ କିଛି କହିଥିଲେ ସିରାଜ। କୁରାନଙ୍କ ହାବଭାବରୁ ଜଣାପଡ଼ିଥିଲା ସେ ସିରାଜଙ୍କୁ ବୋଲିଂ କରିବାକୁ କହିଥିଲେ। କୋହଲିଙ୍କ ହସ୍ତକ୍ଷେପ କରିବାରୁ ସ୍ଥିତି ନିୟନ୍ତ୍ରଣରୁ ବାହାରକୁ ଯାଇଥିଲା। ପରବର୍ତ୍ତୀ ଓଭରରେ ସିରାଜଙ୍କୁ ପୁଣି ଥରେ ଚୌକା ମାରିଥିଲେ। କିନ୍ତୁ ଶେଷରେ ରାଗ ସୁଜାଇ ଥିଲେ ସିରାଜ। ଯଦିଓ କୁରାନଙ୍କ ଉଇକେଟ ତାଙ୍କ ଭାଗରେ ପଡ଼ି ନ ଥିଲା। ହେଲେ ଯଶପ୍ରୀତ ବୁମରାଙ୍କ ବଲରେ ମିଡ୍ ଅନ୍ ଅଞ୍ଚଳରେ କ୍ୟାଚ୍ ନେଇଥିଲେ।
