ନୂଆଦିଲ୍ଲୀ, ୩୦।୮ : ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲ ଦାବି କରିଛନ୍ତି ଯେ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କୁ ସିବିଆଇ ଦ୍ୱାରା ଏକ ଅନୌପଚାରିକ କ୍ଲିନ ଚିଟ ଦିଆଯାଇଛି। କିନ୍ତୁ ରାଜନୈତିକ ଚାପରେ ତାଙ୍କୁ ଏକ ସପ୍ତାହ କିମ୍ବା ଦଶ ଦିନ ମଧ୍ୟରେ ଗିରଫ କରାଯିବାର ଆଶଙ୍କା ରହିଛି। ଆନ୍ନା ହଜାରେଙ୍କ ଦ୍ୱାରା ଲିଖିତ ଚିଠି ସମ୍ପର୍କରେ ସେ କହିଛନ୍ତି ଯେ ଭାଜପାର ମଦ ସ୍କାମ ଅଭିଯୋଗକୁ ଲୋକେ ବିଶ୍ୱାସ କରୁନାହାଁନ୍ତି।
ଏହାପୂର୍ବରୁ ଦିଲ୍ଲୀର ସିସୋଡିଆ କହିଥିଲେ ଯେ ବ୍ୟାଙ୍କ ଲକରକୁ ବର୍ତ୍ତମାନ ଦେଖାଯାଇଛି। ଏଥିରେ ମୋଟ ୭୦-୮୦ ହଜାର ଟଙ୍କା ମିଳିଛି। ମୁଁ କ୍ଲିନ ଚିଟ ପାଇଛି। ଏଜେନ୍ସି ଗୋଟିଏ ପଇସାର କୌଣସି ଅପବ୍ୟବହାର ପାଇଲା ନାହିଁ। ମୋର ସବୁ ହିସାବର ମେମୋ ଅଛି। ଏହା ମୋ ପାଇଁ ସିବିଆଇର କ୍ଲିନ ଚିଟ।
ସିବିଆଇ ମଧ୍ୟ କହିଛି ଯେ ମତେ ଜେଲରେ ରଖିବାକୁ ପଡ଼ିବ। ଅଧିକ ରାଜନୈତିକ ଚାପ ରହିଛି। ମୁଁ କହିଲି ଯେ ଯଦି ଦେଶ ପାଇଁ ମୋତେ ୪ ମାସ ଜେଲରେ ରହିବାକୁ ପଡିଲେ ବି ଏଥିରେ କିଛି ଫରକ ପଡ଼ିବ ନାହିଁ।
ତେବେ କେଜରିଓ୍ବାଲ ଏଭଳି ଦାବି ନେଇ ଏବେ ଚର୍ଚ୍ଚା ଆରମ୍ଭ ହୋଇଛି।
