ମୁମ୍ବାଇ, ୨୮ା୧୨: ବଲିଉଡ୍ ଅଭିନେତା ତଥା କମେଡିଆନ ମୁସ୍ତାକ ମର୍ଚ୍ଚାଣ୍ଟଙ୍କ ସୋମବାର ପରଲୋକ ଘଟିଛି। ତାଙ୍କୁ ୬୭ ବର୍ଷ ହୋଇଥିଲା। ଦୀର୍ଘଦିନରୁ ସେ ମଧୁମେହରେ ପୀଡ଼ିତ ଥିଲେ। ଚିକିତ୍ସାଧୀନ ଅବସ୍ଥାରେ ମୁମ୍ବାଇର ହୋଲି ଫ୍ୟାମିଲି ହସ୍ପିଟାଲରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ହାଥ୍ କି ସଫାଇ, ଜଓ୍ବାନୀ ଦିଓ୍ବାନୀ, ସୀତା ଔର ଗୀତା, ସାଗର ଭଳି ଅନେକ ବଲିଉଡ୍ ଫିଲ୍ମରେ ସେ ଅଭିନୟ କରିଛନ୍ତି। ବିଗ୍ ବି ଅମିତାଭ ବଚ୍ଚନ ଏବଂ ଧର୍ମେନ୍ଦ୍ରଙ୍କ ଅଭିନୀତ ଲୋକପ୍ରିୟ ଚଳଚ୍ଚିତ୍ର ‘ଶୋଲେ’ରେ ମଧ୍ୟ ସେ ଅଭିନୟ କରିଥିଲେ। କିନ୍ତୁ ଫିଲ୍ମର ଦୀର୍ଘତା ଯୋଗୁ ତାଙ୍କ ସିନ୍କୁ ସେଥିରୁ ହଟାଇ ଦିଆଯାଇଥିଲା। ପ୍ରାୟ ୧୬ ବର୍ଷ ପୂର୍ବରୁ ସେ ସିନେଜଗତରୁ ଦୂରେଇ ରହିଥିଲେ। ପରେ ଧାର୍ମିକ କାର୍ଯ୍ୟରେ ସେ ନିଜକୁ ବ୍ୟସ୍ତ ରଖିଥିଲେ।
