ମୁମ୍ବାଇ,୧୧।୧୧: ଭଗବାନ ରାମଙ୍କ ବିନା ମାଆ ସୀତା ଅସମ୍ପୂର୍ଣ୍ଣ କୁହାଯାଏ। ସେଥିପାଇଁ ସବୁ ମନ୍ଦିରରେ ରାମଙ୍କ ସହ ମାଆ ସୀତାଙ୍କ ପ୍ରତିମା ସ୍ଥାପନ କରାଯାଇଥାଏ। ଜାନୁଆରୀ ୨୨ରେ ଅଯୋଧ୍ୟାରେ ରାମଲାଲାଙ୍କ ମନ୍ଦିର ଉଦ୍ଘାଟନ ହେବାକୁ ଯାଉଛି। ଯେଉଁଠି ରାମଲାଲାଙ୍କ ସହ ମାଆ ସୀତା, ଭାଇ ଲକ୍ଷ୍ମଣ ଓ ହନୁମାନଙ୍କ ପ୍ରତିମା ସ୍ଥାପନ କରାଯିବ। କିନ୍ତୁ ଆମେ ଆଜି ଆପଣଙ୍କୁ ଏପରି ଏକ ମନ୍ଦିର କହିବାକୁ ଯାଉଛୁ ଯେଉଁଠି ରାମଙ୍କ ବିନା ମାଆ ସୀତାଙ୍କ ପ୍ରତିମା ରହିଛି।
ମହାରାଷ୍ଟ୍ରର ୟାବତମଲ ଜିଲାରେ ଏପରି ଏକ ସୀତା ମନ୍ଦିର ରହିଛି। ଯାହା ବହୁଦିନ ଧରି ବନ୍ଦ ରହିଥିଲା। ନିକଟରେ ଶ୍ରଦ୍ଧାଳୁଙ୍କ ପାଇଁ ଏହି ବନ୍ଦ ଦରଜାକୁ ଖୋଲି ଦିଆଯାଇଛି। ଏହି ମନ୍ଦିରକୁ ମାଆ ସୀତାଙ୍କ ବନବାସ ଗମନ ସମୟର ଘଟଣାକୁ ଦର୍ଶାଇଛି। ସୀତାଙ୍କ ସହ ଲବକୁଶଙ୍କ ପ୍ରତିମା ମଧ୍ୟ ରହିଛି। ବହୁ ସଂଖ୍ୟକ ଶ୍ରଦ୍ଧାଳୁ ଏହି ମନ୍ଦିରକୁ ମାଆ ସୀତାଙ୍କୁ ପnୂଜା କରିବାକୁ ଆସିଥାନ୍ତି। ଲୋକେ ଏହି ମନ୍ଦିରକୁ ମମତାର ନିଦର୍ଶନ ବୋଲି ଦର୍ଶାଇଥାନ୍ତି।
ନିକଟରେ ଏହି ମନ୍ଦିରକୁ ଖୋଲାଯାଇ ମାଆ ସୀତାଙ୍କ ନୂଆ ମୂର୍ତ୍ତି ସ୍ଥାପନ କରାଯିବା ସହ ପ୍ରାଣ ପ୍ରତିଷ୍ଠା କରାଯାଇଛି। ସ୍ଥାନୀୟ ଲୋକ ଏହି ମନ୍ଦିରକୁ ସାହାସର ପ୍ରତୀକ ଭାବେ ପରିଚୟ ଦେଉଛନ୍ତି। ଏହି ମନ୍ଦିର ସିଙ୍ଗଲ ମଦରଙ୍କ ପାଇଁ ଏକ ପ୍ରେରଣା ବୋଲି ସ୍ଥାନୀୟ ଲୋକ କହିଛନ୍ତି।
ତେବେ ଦେଶରେ ମାଆ ସୀତାଙ୍କ ବହୁ ବନ୍ଦିର ରହିଛି। କିନ୍ତୁ ମହାରାଷ୍ଟ୍ରରେ ଥିବା ଏହି ମନ୍ଦିରେ ମାଆ ସୀତା ଲବକୁଶଙ୍କ ସହ ଅବସ୍ଥାପିତ ହୋଇଛନ୍ତି। ଅଯୋଧ୍ୟାରେ ମଧ୍ୟ ଏକ ସୀତାମନ୍ଦିର ରହିଛି ଯାହାକୁ ଭବ୍ୟ ରୂପ ଦିଆଯାଉଛି। ସେହିପରି ବାରଣାସୀର ଅସ୍ତିଘାଟରେ ଏକ ସୀତାମନ୍ଦିର ଅଛି। ବର୍ଷାଦିନରେ ଏହି ମନ୍ଦିର ପାଣି ଘେରରେ ରହିଥାଏ। କୁହାଯାଏ କି ମାଆ ସୀତା ଏହିଠାରେ ହିଁ ଧରିତ୍ରୀ ଗର୍ଭରେ ଲୀନ ହୋଇଯାଇଥିଲେ।