କାନପୁର, ୨୩।୮: ଥାନାରେ ବସି ମଦ ପିଇବା ଜଣେ ପୋଲିସ ବାବୁଙ୍କୁ ମହଙ୍ଗା ପଡ଼ିଛି। ଏବେ ସୋସିଆଲ୍ ମିଡ଼ିଆରେ ମଦ ପିଉଥିବା ଥାନା ବାବୁ ଜେ.ପି. ସିଂ ପରିହାରଙ୍କ ଭିଡ଼ିଓ ଭାଇରାଲ ହେବାରେ ଲାଗିଛି। ଉତ୍ତରପ୍ରଦେଶ କାନପୁରର ଘାଟମ୍ ପୁର ଥାନାରେ ଏଭଳି ଅଭାବନୀୟ ଘଟଣା ଘଟିଛି। ଭିଡ଼ିଓ ଭାଇରାଲ ହେବା ପରେ ଏସ୍ଏସ୍ପି ପ୍ରତିବିନ୍ଦର ସିଂ ଥାନା ବାବୁଙ୍କୁ ନିଲମ୍ବିତ କରିଛନ୍ତି। ଥାନାର ଅନ୍ୟ ପୋଲିସ ମଧ୍ୟ ଏକାଠି ବସି ମଦ ପିଉଥିବାରୁ ଦୃଶ୍ୟ ଭିଡ଼ିଓରେ ଦେଖିବାକୁ ମିଳୁଛି। ଡ୍ୟୁଟିରେ ମଦ ପିଇବା ଥାନା ବାବୁଙ୍କ ଅଭ୍ୟାସ ବୋଲି ଲୋକେ ଅଭିଯୋଗ କରିଛନ୍ତି। ବହୁ ଥର ସେ ମଦ ନିଶାରେ ନାଳରେ ପଡ଼ିଥିବା କୁହାଯାଉଛି। ଭିଡ଼ିଓ ଭାଇରାଲ ହେବା ପରେ ତାଙ୍କ ଉପରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏହାଦ୍ୱାରା ପୋଲିସ ବିଭଗାର ଗାରିମା ଉପରେ ଆଞ୍ଚ ଆସିଥିବା ଏସ୍ଏସ୍ପି ସୂଚନା ଦେଇଛନ୍ତି।
