ମୁମ୍ବାଇ,୨୮।୨ : ଚଳିତ ବର୍ଷ ହେବାକୁ ଥିବା ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ) ଲାଗି ବିସିସିଆଇ ୬ଟି ଭେନ୍ୟୁ ଚୂଡ଼ାନ୍ତ କରିଛି। ବାଙ୍ଗାଲୋର, ଚେନ୍ନାଇ, କୋଲକାତା, ଅହମ୍ମଦାବାଦ ଓ ଦିଲ୍ଲୀ ପରେ ମୁମ୍ବାଇରେ ଆଇପିଏଲ ମ୍ୟାଚ୍ ଆୟୋଜନ କରିବାକୁ ମିଳିଛି ଅନୁମତି। ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ନେତୃତ୍ୱାଧୀନ ମହାରାଷ୍ଟ୍ର ସରକାର ଆଇପିଏଲ ମ୍ୟାଚ୍ ପାଇଁ ଓ୍ବାଙ୍ଖଡେ ଷ୍ଟାଡିୟମ ବ୍ୟବହାର କରିବା ଲାଗି ବିସିସିଆଇକୁ ଅନୁମତି ଦେଇଛନ୍ତି।
କିନ୍ତୁ ଏଠାରେ କୌଣସି ଦର୍ଶକଙ୍କୁ ମ୍ୟାଚ୍ ଉପଭୋଗ କରିବାକୁ ସୁଯୋଗ ମିଳିବ ନାହିଁ। ମହାରାଷ୍ଟ୍ରରେ କୋଭିଡ୍-୧୯ ଆକ୍ରାନ୍ତଙ୍କ ସଂଖ୍ୟାରେ ହଠାତ୍ ବୃଦ୍ଧି ଯୋଗୁ ଆଇପିଏଲ ମ୍ୟାଚ୍ ରୁଦ୍ଧ ଷ୍ଟାଡିୟମରେ ଖେଳାଯିବ। ଏପ୍ରିଲର ଦ୍ୱିତୀୟ ସପ୍ତାହରୁ ଜୁନର ପ୍ରଥମ ସପ୍ତାହ ପର୍ଯ୍ୟନ୍ତ ଖେଳାଯିବାକୁ ଥିବା ଆଇପିଏଲର ୧୪ତମ ସଂସ୍କରଣ କିଛି ଭେନ୍ୟୁରେ ଦର୍ଶକଙ୍କ ବିନା ମ୍ୟାଚ୍ ଖେଳାଯିବ ଓ ଅନ୍ୟ କିଛି ଷ୍ଟାଡିୟମରେ ୫୦ ପ୍ରତିଶତ ପ୍ରଶଂସକଙ୍କୁ ଅନୁମତି ମିଳିବ।
