ଜୟପୁର,୧୫ ।୧୨; ରାଜସ୍ଥାନ ଜୟପୁରର ଟ୍ରାନ୍ସପୋର୍ଟ ନଗର ଥାନା ଅଞ୍ଚଳରେ ଥିବା ବାଳ ସୁଧାର ଗୃହରୁ ମଙ୍ଗଳବାର ରାତିରେ ୬ ଜଣ କଏଦି ଫେରାର ହୋଇଯାଇଛନ୍ତି । ଟ୍ରାନ୍ସପୋର୍ଟ ନଗର ଥାନାର ଥାନାଧିକାରୀ ଅବଦୁଲ ୱାହିଦ ବୁଧବାର କହିଛନ୍ତି ବାଳ ସୁଧାର ଗୃହରୁ ମଙ୍ଗଳବାର ରାତିରେ ୬ କଏଦୀ ଫେରାର ହୋଇଯାଇଛନ୍ତି । ଏମାନଙ୍କ ମଧ୍ୟରେ ୪ ଜଣ ନାବାଳକ ରହିଛନ୍ତି ।
ଥାନାଧିକାରୀ କହିଛନ୍ତି, ଏମାନଙ୍କ ମଧ୍ୟରୁ ୪ ଜଣ ପାଚେରୀ ଭାଙ୍ଗି ଖସି ଯାଇଥିବା ବେଳେ ଅନ୍ୟ ୨ ଜଣ ଗାର୍ଡଙ୍କୁ ଚକମା ଦେଖାଇ ଖସି ଯିବାରେ ସଫଳ ହୋଇଛନ୍ତି । ଏହି ୬ ଜଣଙ୍କ ମଧ୍ୟରୁ ଜଣଙ୍କ ନାଁରେ ହତ୍ୟା, ଅନ୍ୟ ଦୁଇ ଜଣଙ୍କ ନାଁରେ ହତ୍ୟା ଉଦ୍ୟମ ଓ ଅନ୍ୟମାନଙ୍କ ନାଁରେ ପୋକ୍ସୋ ଓ ଚୋରୀ ମାମଲା ରହିଛି ।
ଥାନାଧିକାରୀ କହିଛନ୍ତି ବାଳ ସୁଧାର ଗୃହର ରିପୋର୍ଟ ଅନୁଯାୟୀ, କିଶୋର ନ୍ୟାୟ(ବାଳ ଦେଖାରାଖା ଓ ସଂରକ୍ଷଣ) ଅଧିନିୟମ, ୨୦୧୫ ଅନୁଯାୟୀ ମାମଲା ଦାୟର କରାଯାଇଛି ଓ ଖସି ଯାଇଥିବା କଏଦୀଙ୍କୁ ଖୋଜା ଚାଲିଛି ।
