ହାଇଦ୍ରାବାଦ ,୧୯।୧୨ : ତେଲଙ୍ଗାନାର ମଞ୍ଚେରିଆଲ ଜିଲାରେ ଗତ ଶନିବାର ଭୋର ସମୟରେ ଏକ ଘରେ ନିଆଁ ଲାଗି ପରିବାରର ୬ ଜଣ ଜୀବନ୍ତ ଦଗ୍ଧ ହୋଇଯାଇଥିଲେ। ଜିଲାର ଭେଙ୍କଟପୁରରେ ଗ୍ରାମ ରାଜସ୍ବ ସହାୟକ (ଭିଆର୍ଏ)ଙ୍କ ଘରେ ନିଆଁ ଲଗାଇବା ପାଇଁ ସୁପାରି ଦିଆଯାଇଥିଲା ବୋଲି ପୋଲିସ ସନ୍ଦେହ କରୁଛି। ଘଟଣା ପଛରେ ପରକୀୟା ପ୍ରୀତି ରହିଥିବା ପୋଲିସ ଜାଣିବାକୁ ପାଇଛି। ଭିଆର୍ଏ ଶିବାୟାଙ୍କ ସ୍ତ୍ରୀ ପଦ୍ମା (୪୫)ଙ୍କ ସହ ତାଙ୍କର ପାରିବାରିକ ବନ୍ଧୁ ଶାନ୍ତିଆହ ଅନୈତିକ ସମ୍ପର୍କ ରଖିଥିଲେ। ଶାନ୍ତିଆହ ତାଙ୍କ ସ୍ତ୍ରୀ ସୃଜନାଙ୍କଠାରୁ ଅଲଗା ହୋଇ ଭିଆର୍ଏଙ୍କ ଘର ନିକଟରେ ରହୁଥିଲେ। ନିଆଁ ଲାଗିବାର କାରଣ ସମ୍ପର୍କରେ ଫୋରେନ୍ସିକ ରିପୋର୍ଟକୁ ଅପେକ୍ଷା କରାଯାଇଥିବା ପୋଲିସ କହିଛି। କେତେଜଣ ସନ୍ଦିଗ୍ଧଙ୍କୁ ପୋଲିସ ଅଟକ ରଖି ପଚରାଉଚରା ଚଳାଇଛି।