କୋରାପୁଟ,୮ା୩(ସ୍ବ.ପ୍ର.): କୋରାପୁଟସ୍ଥିତ ହକି ପଡ଼ିଆରେ ବୁଧବାର ନିଆଁଲାଗି ୬ଟି ଗାଡି ପୋଡ଼ି ଯାଇଥିବା ଜଣାପଡ଼ିଛି। ପୋଲିସ ଜବତ କରି ସେଠାରେ ଦୀର୍ଘଦିନ ଧରି ରଖିଥିବା ୪ଟି କାର୍ ଓ ୨ଟି ଅଟୋ ଏଥିରେ ପୋଡ଼ିହୋଇ ଯାଇଥିବା ଜଣାପଡ଼ିଛି। ଏହି ନିଆଁ ଲାଗିବା ଦେଖି ସ୍ଥାନୀୟ ଲୋକେ ପୋଲିସକୁ ସୂଚନା ଦେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ତୁରନ୍ତ କୋରାପୁଟ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡ଼ିଛି।
ସୂଚନାଯୋଗ୍ୟ, କୋରାପୁଟ ଟାଉନ ଥାନା ପୋଲିସ ପକ୍ଷରୁ ଜବତ କରିଥିବା ଗାଡ଼ିକୁ ଏହି ହକି ପଡିଆଠାରେ ଦୀର୍ଘ ଦିନ ଧରି ରଖିଥିବା ବେଳେ ବୁଧବାର କୌଣସି ଦୁର୍ବୃତ୍ତ ଏଠାରେ ନିଆଁ ଲଗାଇ ଦେଇଥିବା ଜଣାପଡ଼ିଛି।
