ଗୁଣପୁର,୧ା୧୦(ଡି.ଏନ୍.ଏ.): ରାୟଗଡ଼ା ଜିଲା ଗୁଣପୁର ପୋଲିସ ଏକ ବଡ଼ ଧରଣର ଜୁଆଆଡ୍ଡା ଉପରେ ଚଢ଼ାଉ କରି ୧୫ ଜୁଆଡ଼ିଙ୍କୁ ଗିରଫ କରିବା ସହ ୨ ଲକ୍ଷ ୨୫ ହଜାର ୯୯୦ ଟଙ୍କା, ରୟାଲ୍ କଏନ୍, ୧୨ ଦାମୀ କାର୍, ଅଟୋରିକ୍ସା ଏବଂ ୧୯ ମୋବାଇଲ୍ ଜବତ କରିଛି।
ସୂଚନା ଅନୁଯାୟୀ, ଗୁଣପୁର ସହର ରେଗେଡ଼ା ଗ୍ରାମ ନିକଟ କାଜୁ ଜଙ୍ଗଲରେ ଗୁରୁବାର ରାତିରେ ଜୁଆ ଆଡ୍ଡା ଚାଲିଥିବା ପୋଲିସ ଖବର ପାଇଥିଲା। ରାୟଗଡ଼ା ଏସ୍ପିଙ୍କ ନିର୍ଦ୍ଦେଶରେ ଗୁଣପୁର ଥାନା ପୋଲିସ ଟିମ୍ ଚଢ଼ାଉ କରିଥିଲା। ଗିରଫ ଜୁଆଡ଼ିମାନେ ଗଜପତି ଜିଲା ପାରଳାଖେମୁଣ୍ଡି ଏବଂ ଆନ୍ଧ୍ର ପ୍ରଦେଶ ରାଜ୍ୟ ଶ୍ରୀକାକୁଲମ ଜିଲାର ବୋଲି ଗୁଣପୁର ଥାନା ଅଧିକାରୀ ଯଶଓ୍ବନ୍ତ ହିଆଲ ଆୟୋଜିତ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି l
