ନୂଆଦିଲ୍ଲୀ,୧୫।୨ (ଅଭୟ ଦାଶ): ସ୍କୋଡା ଅଟୋ ଇଣ୍ଡିଆର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ‘ସ୍କୋଡା ସାଲ୍ଭିଆ ଷ୍ଟାଇଲ ଏଡିଶନ’ର ସର୍ବଭାରତୀୟ ଉନ୍ମୋଚନ ନିକଟରେ ହୋଇଯାଇଛି। ଉଲ୍ଲେଖଯୋଗ୍ୟ, ଅଲ ନ୍ୟୁ ସ୍କୋଡା ସାଲ୍ଭିଆ ଷ୍ଟାଇଲ ଏଡିଶନ ମଡେଲରେ ଅନେକ ଅତ୍ୟାଧୁନିକ ବୈଶିଷ୍ଟ୍ୟ ସହ ବ୍ଲାକ୍ ରୁଫ୍ ଫଏଲ ସହ ଇଲେକ୍ଟ୍ରି ସନ୍ରୁଫ ଭଳି ଫିଚର ସାମିଲ ରହିଛି। ସେହିଭଳି ୫ଷ୍ଟାର ଗ୍ଲୋବାଲ ଏନ୍ସିଏପି ସେଫ୍ଟି ରେଟିଂ ଏବଂ ୧.୫ ଟିଏସ୍ଆଇ ଇଞ୍ଜିନ ଭଳି ଅନେକ ପ୍ରକାର ଏକ୍ସକ୍ଲୁସିଭ ଓ ସେଫ୍ଟି ଫିଚର ସଂଯୋଗ ରହିଛି। ଏ ସମ୍ପର୍କରେ ସ୍କୋଡା ଅଟୋ ଇଣ୍ଡିଆର ପିଟର ଜେନାବା କହିଛନ୍ତି, ଆମେ ଏହି ସ୍ବତନ୍ତ୍ର ଏଡିଶନକୁ ଉନ୍ମୋଚନକରି ବେଶ୍ ଉତ୍ସାହିତ ଅଛୁ। ଏପରିକି ଖୁବ୍ଶୀଘ୍ର ଆମର ସମସ୍ତ ଆଉଟ୍ଲେଟ୍ ଓ ଡିଲର ପଏଣ୍ଟରେ ଏହି ମଡେଲ ଉପଲବ୍ଧ ହେବ। ବିଶେଷକରି ଆମେ ଆମର ଗ୍ରାହକଙ୍କୁ ସର୍ବଦା ନୂଆ ମଡେଲ ଓ ଅନୁଭୂତି ପ୍ରଦାନ କରିବାକୁ ଆଗ୍ରହୀ ରହିଛୁ।