ନୂଆଦିଲ୍ଲୀ,୨୧।୧୨: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ସ୍କୋଡା ଅଟୋ ଇଣ୍ଡିଆ ତା’ର ପରବର୍ତ୍ତୀ ମାଇଲଖୁଣ୍ଟ ଅପେକ୍ଷାରେ ରହିଛି। କାରଣ କମ୍ପାନୀର ଇଣ୍ଡିଆ ୨.୦ ରଣନୀତି ଜରିଆରେ ଆଗକୁ ବଢୁଛି। ବିଶେଷକରି କମ୍ପାନୀ ଗ୍ରାହକଙ୍କ ସ୍ପର୍ଶବିନ୍ଦୁ ବୃଦ୍ଧିକରି ବର୍ତ୍ତମାନ ସାରା ଭାରତରେ ୨୨୫ରୁ ଅଧିକରେ ପହଞ୍ଚତ୍ଛି। ଏ ସମ୍ପର୍କରେ ସ୍କୋଡା ଅଟୋ ଇଣ୍ଡିଆର ବ୍ରାଣ୍ଡ୍ ନିର୍ଦ୍ଦେଶକ ପିଟର ସ୍ଲୋକ୍ କହିଛନ୍ତି, ସ୍କୋଡାର ଇଣ୍ଡିଆ ୨.୦ ରଣନୀତି ପାଇଁ ଗ୍ରାହକ କୈନ୍ଦ୍ରିକତା ଏବଂ ଗ୍ରାହକଙ୍କ ସନ୍ତୁଷ୍ଟି ଗୁରୁତ୍ୱପୂର୍ଣ୍ଣ । ବିଶେଷକରି ଏହା ହାସଲ କରିବାର ଚାବି ହେଲା ଆମର ନେଟ୍ୱର୍କକୁ ବିସ୍ତାର କରିବା ଏବଂ ଆମ ଗ୍ରାହକଙ୍କ ଅଧିକ ନିକଟତର ହେବା। ବିକ୍ରି ଏବଂ ସେବା ଆଉଟଲେଟ୍, କମ୍ପେକ୍ଟ କର୍ମଶାଳା, ଶୋ’ରୁମ୍ ଅନ୍ତର୍ଭୁକ୍ତ କରୁଥିବା ଆମର ଗ୍ରାହକ ସ୍ପର୍ଶବିନ୍ଦୁ ଚମତ୍କାର କ୍ରୟ, ମାଲିକାନା ଏବଂ ରକ୍ଷଣାବେକ୍ଷଣ ଅଭିଜ୍ଞତାକୁ ବଢ଼ାଇବା ଆମ ପାଇଁ ଏକ ରାସ୍ତା । ଆମ ଗ୍ରାହକମାନେ ଏକ ସ୍କୋଡାର ମାଲିକ ହେବା ବେଳେ ସେମାନଙ୍କୁ ମାଲିକାନା କମ୍ ଖର୍ଚ୍ଚ, ଉଦ୍ୟୋଗ ଅଗ୍ରଣୀ ୱାରେଣ୍ଟି ଏବଂ ରକ୍ଷଣାବେକ୍ଷଣ ପ୍ୟାକେଜ ସହ ଗ୍ରାହକମାନଙ୍କୁ ଏକ ପୁରସ୍କୃତ ଅଭିଜ୍ଞତା ପ୍ରଦାନ କରିବା ଆମ ଲକ୍ଷ୍ୟର ଏକ ସ୍ବାଭାବିକ ଅଂଶ । ବାର୍ଷିକ ବିକ୍ରି ୫୦,୦୦୦ କାର୍ ଅତିକ୍ରମ କରିଥିବା ଏବଂ ଚଳିତ ବର୍ଷରେ ଗଣନା ଜାରି ରହିଥିବା ୨୦୨୨କୁ ସ୍କୋଡା ଅଟୋ ଇଣ୍ଡିଆ ଦେଶରେ ସବୁଠାରୁ ବଡ଼ ବର୍ଷ ଭାବେ ରେକର୍ଡ କରିଛି। ବାର୍ଷିକ ବିକ୍ରିକୁ ୨୦୨୧ ତୁଳନାରେ କମ୍ପାନୀ ପୂର୍ବରୁ ଦ୍ୱିଗୁଣିତ କରିସାରିଛି ଏବଂ ଅନ୍ତଃରାଷ୍ଟ୍ରୀୟ ସ୍ତରରେ ଭାରତ ତୃତୀୟ ବୃହତ୍ତମ ବଜାର ଭାବେ ପରିଗଣିତ ହେଉଛି। ଇଣ୍ଡିଆ ୨.୦ର ଆଗମନ ପରଠାରୁ ଗ୍ରାହକ ସ୍ପର୍ଶବିନ୍ଦୁ ବୃଦ୍ଧି କରିବାର ଯାତ୍ରାରେ ସ୍କୋଡା ଅଟୋ ଇଣ୍ଡିଆ ୨୦୨୦ ଡିସେମ୍ବରରେ ୧୨୦ ଥିବାବେଳେ ୨୦୨୧ ଡିସେମ୍ବରରେ ୧୭୫ଟି ସ୍ପର୍ଶବିନ୍ଦୁ ରହିଥିଲା। ଏପରିକି ଖୁବ୍ଶୀଘ୍ର ୨୫୦ ସ୍ପର୍ଶବିନ୍ଦୁ ଛୁଇଁବାର ଲକ୍ଷ୍ୟ ସହ ୨୨୫ରୁ ଅଧିକ ସ୍ପର୍ଶବିନ୍ଦୁରେ ବର୍ତ୍ତମାନ ପହଞ୍ଚତ୍ଛି। ଏହି ଗ୍ରାହକ ସ୍ପର୍ଶବିନ୍ଦୁରେ ଅନ୍ୟାନ୍ୟ ମଧ୍ୟରେ ସମ୍ପୂର୍ଣ୍ଣ ଡିଜିଟାଲିକରଣ ହୋଇଥିବା ଶୋ’ରୁମ୍, ଡିଲରଶିପ, ବିକ୍ରୟ ଶାଖା, ସେବା କେନ୍ଦ୍ର ଏବଂ କମ୍ପାକ୍ଟ କର୍ମଶାଳା ଅନ୍ତର୍ଭୁକ୍ତ ହୋଇଥାଏ ।