ଆଖପାଖରେ ଯଦି କିଛି ମହୁମାଛି ଗୁଣୁ ଗୁଣୁ କରି ଉଡି ବୁଲନ୍ତି, ତେବେ ଭାରି ଡର ଲାଗେ। ହେଲେ ଇଟାଲୀର ଦକ୍ଷିଣଭାଗରେ ଥିବା ଗ୍ରୋଟୋଲ ଗାଁର ରୋକୋ ଫିଲୋମେନୋ ତିଆରି କରିଛନ୍ତି ପୃଥିବୀର ପ୍ରଥମ ଏମିତି ଏକ ମହୁମାଛି ଫାର୍ମ, ଯେଉଁଠାରେ ଅତିଥିଙ୍କୁ ଲକ୍ଷ ଲକ୍ଷ ମହୁମାଛିଙ୍କ ଗୁଣୁ ଗୁଣୁ ଶବ୍ଦ ଭିତରେ ଶୋଇବାର ସୁଯୋଗ ଦିଆଯାଉଛି। ଉକ୍ତ ଫାର୍ମକୁ ଡିଜାଇନ୍ କରିଛନ୍ତି ଡେଭିଡ ଟାଗଲିଆବୁ। ୧ ମିଲିୟନ ମହୁମାଛି ରହୁଥିବା ଏକ ମହୁଫେଣା ଚାରିପଟେ ତିଆରି ହୋଇଛି କାଠରେ ତିଆରି ଏହି ଫାର୍ମ। ଖର୍ଚ୍ଚ ହୋଇଛି ୧୭୦୦୦ ଡଲାର। ମହୁମାଛିଙ୍କ ଶବ୍ଦ ଓ ସୁଗନ୍ଧ ଭିତରେ ଶୋଇଲେ ବି’ ଥେରାପୀର ଅନୁଭୂତି ମଳିଥାଏ। ଶୋଇବାବେଳେ ସିଲିଂରେ ଦେଖିହୁଏ ଏକ ସ୍ବତନ୍ତ୍ରଧରଣର ବକ୍ସ, ଯାହା ଭିତରେ ମହୁମାଛିମାନେ ମହୁ ଜମା କରିବା, ବସା ବାନ୍ଧିବାରେ ବ୍ୟସ୍ତ ଥିବା ଦେଖିହୁଏ।