ଦକ୍ଷିଣ ଆମେରିକାର ‘ରେନ୍ ଫରେଷ୍ଟ’ କଲମ୍ବିଆ, ଇକ୍ୟୁଏଡର୍, ପେରୁ ଏବଂ ପଶ୍ଚିମ ବ୍ରାଜିଲ ପର୍ଯ୍ୟନ୍ତ ବ୍ୟାପିଛ। ଏହି ଜଙ୍ଗଲରେ ଅନେକ ପ୍ରକାରର ଜୀବଜନ୍ତୁ ବାସ କରନ୍ତି, ଯାହା ଏହି ଜଙ୍ଗଲକୁ ଅଧିକ ଆକର୍ଷଣୀୟ କରିଥାଏ। ଏହି ପ୍ରଜାତିଗୁଡିକ ମଧ୍ୟରୁ ଗୋଟିଏ ହେଉଛି ଇଷ୍ଟର୍ନ ପିଜିମ ମାରମୋସେଟ ନାମକ ମାଙ୍କଡ଼ ପ୍ରଜାତି।
ୟୁକେର ଚେଷ୍ଟର ପ୍ରାଣୀ ଉଦ୍ୟାନରେ ଏହି ପ୍ରଜାତିର ଦୁଇଟି ମାଙ୍କଡ଼ ଜନ୍ମଗ୍ରହଣ କରିଛନ୍ତି, ଯେଉଁମାନେ ସେମାନଙ୍କର ଆକାର ହେତୁ ସମଗ୍ର ବିଶ୍ୱର ଲୋକଙ୍କ ଦୃଷ୍ଟି ଆକର୍ଷଣ କରିଛନ୍ତି। ଜାଣି ଆଶ୍ଚର୍ଯ୍ୟ ହେବେ, ଉଭୟ ମାଙ୍କଡ଼ଙ୍କ ଉଚ୍ଚତା କେବଳ ୨ ଇଞ୍ଚ। ଜନ୍ମ ସମୟରେ ସେମାନଙ୍କ ଓଜନ ଥିଲା ୧୦ ଗ୍ରାମ। ସେମାନେ ଦେଖିବାକୁ ପିଙ୍ଗ୍ ପଙ୍ଗ୍ ବଲଠାରୁ ମଧ୍ୟ ଛୋଟ। ଏବେ ଏହି ଦୁଇ ମାଙ୍କଡ ଦୁନିଆର ସବୁଠୁ ଛୋଟ ମାଙ୍କଡ଼ ହେବାର ଆଖ୍ୟା ଅର୍ଜନ କରିଛନ୍ତି। ଛୋଟ ଆକାର ହେତୁ ଉଭୟଙ୍କ ଲିଙ୍ଗ ଏପର୍ଯ୍ୟନ୍ତ ଜଣା ପଡିନାହିଁ।
ତିନି ବର୍ଷର ଜୋ ଏବଂ ଚାରି ବର୍ଷର ବାଲଡ୍ରିକ ମାଙ୍କଡ଼ ଦମ୍ପତି ନିଜ ପିଲାମାନଙ୍କୁ ଦୁନିଆକୁ ଆଣି ବେଶ ଖୁସି ଅଛନ୍ତି। ସେମାନେ ନିଜ ପିଲାମାନଙ୍କର ଯତ୍ନ ନେବାରେ ବ୍ୟସ୍ତ ଅଛନ୍ତି। ତେବେ ଆକାରରେ ଛୋଟ ହୋଇଥିଲେ ମଧ୍ୟ ଏହି ମାଙ୍କଡ଼ମାନେ ଏତେ ଜୋରରେ ଶବ୍ଦ କରନ୍ତି ଯେ ସେମାନଙ୍କର ସ୍ବର ଜଙ୍ଗଲରେ ପରିବ୍ୟାପ୍ତ ହୋଇଯାଇଥାଏ। ନିଜ ସାଥୀଙ୍କୁ ଆକର୍ଷିତ କରିବା ଏବଂ ଅନ୍ୟମାନଙ୍କୁ ଶତ୍ରୁମାନଙ୍କ ବିଷୟରେ ଅବଗତ କରାଇବା ପାଇଁ ସେମାନେ ବହୁତ ଉଚ୍ଚ ସ୍ବର କରନ୍ତ। ଏହି ଦୁଇଟି ମାଙ୍କଡ଼ ସେମାନଙ୍କ କାର୍ଯ୍ୟରେ ପାରଙ୍ଗମଥାନ୍ତି ବୋଲି ପ୍ରାଣୀ ଉଦ୍ୟାନର ଡାକ୍ତର କହିଛନ୍ତି।
