କେନ୍ଦୁଝର,୨୯ା୭(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ବ୍ଲକର ଆଖୁପାଳ ଗ୍ରାମରେ ଫ୍ରି ଫାୟାର ଗେମ୍ ଖେଳି ଆହତ ହୋଇଥିବା ଦଶମ ଶ୍ରେଣୀ ଛାତ୍ର ଅଗସ୍ତି ଖଣ୍ଡା(୧୫)ଙ୍କ କଟକରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି।
ସୂଚନାନୁଯାୟୀ, ଅନ୍ଲାଇନରେ ପୁଅ ପାଠ ପଢ଼ିବ ବୋଲି ପିତା କୁଅଁର ମୁଣ୍ଡା ଏକ ସ୍ମାର୍ଟ ଫୋନ୍ କିଣି ଦେଇଥିଲେ ା କିନ୍ତୁ ପୁଅ ପାଠ ପଢିବା ସହ ଫୋନ୍ରେ ବିଭିନ୍ନ ପ୍ରକାରର ଆପ୍ ଡାଉନ ଲୋଡ୍ କରି ଗେମ୍ ଖେଳୁଥିଲେ ା ଏହି ସମୟରେ ଫ୍ରିଫାୟାର ଗେମ୍ ଖେଳି ଅଗସ୍ତି ମାନସିକ ଭାରସାମ୍ୟ ହରାଇ ବସିଥିଲେ ବୋଲି ପରିବାର ଲୋକ ଅଭିଯୋଗ କରିଛନ୍ତି ା ମଙ୍ଗଳବାର ଗୁରୁତର ହୋଇ ପଡ଼ିବାରୁ ତାଙ୍କୁ ପ୍ରଥମେ ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ପରେ କେନ୍ଦୁଝର ଜିଲା ମୁଖ୍ୟ ଡାକ୍ତରଖାନାକୁ ଆଣିଥିଲେ। ପୁଣି ଅବସ୍ଥା ସଂକଟାପନ୍ନ ହେବାରୁ କଟକ ବଡ଼ ଡାକ୍ତରଖାନାକୁ ବୁଧବାର ନିଆଯାଇଥିଲା। ତେବେ ସେଠାରେ ରାତି ସାଢ଼େ ୧୦ଟାରେ ଅଗସ୍ତିଙ୍କର ମୃତ୍ୟୁ ହୋଇଥିଲା। ଏନେଇ ହରିଚନ୍ଦନପୁର ଥାନା ଅଧିକାରିଣୀ ଶଶ୍ମିତା ଦେବତାଙ୍କୁ ପଚାରିବାରୁ ଥାନାରେ ସେଭଳି ଘଟଣା ନେଇ କୌଣସି ରିପୋର୍ଟ ହୋଇନାହିଁ ା ଆସିଲେ ଯାଞ୍ଚ କରାଯିବ ବୋଲି କହିଛନ୍ତି।