ମା’ର ମମତା ଆଗରେ ସବୁକିଛି ତୁଚ୍ଛ। ଜଣେ ମା’ ତାର ସନ୍ତାନର ଖୁସି ପାଇଁ ସବୁକିଛି କରିବାକୁ ରାଜି ଥାଏ। ବେଳେ ବେଳେ ଏମିତିକିଛି ଘଟଣା ସାମ୍ନାକୁ ଆସିଥାଏ ଯାହାପରେ ମା’ର ମମତାକୁ ନେଇ ପ୍ରଶ୍ନ ଉଠିଥାଏ। ଏବେ ସୋସିଆଲ ମିଡିଆରେ ଏକ ଶିଶୁପୁତ୍ରର ଫଟୋ ଭାଇରାଲ ହେବାରେ ଲାଗିଛି। ଶାଶା ନାମକ ଏହି ଶିଶୁ ସବୁଠାରୁ ସ୍ବତନ୍ତ୍ର। ଜନ୍ମ ସମୟରେ ତାଙ୍କ ମୁହଁରେ ହସ ଥିଲା। ମାତ୍ର ତାଙ୍କର ଆଖି ନାହିଁ। ଏହି କାରଣରୁ ଶାଶାଙ୍କ ଜନ୍ମ ପରେ ତାଙ୍କ ମା’ ତାଙ୍କୁ ଅନାଥ ଆଶ୍ରମରେ ଛାଡି ଚାଲିଗଲେ। ଏହା ପରେ ଶିଶୁର ଫଟୋ ସୋସିଆଲ ମିଡିଆରେ ଭାଇରାଲ ହେଲା। ଏବେ ତାଙ୍କ ପାଖରେ ଏକ ସୁନ୍ଦର ପରିବାର ରହିଛି।
ରୁଷ୍ରେ ଜନ୍ମଗ୍ରହଣ କରିଥିବା ଶାଶା ଏକ ବିରଳ ରୋଗରେ ଆକ୍ରାନ୍ତ ହୋଇଛନ୍ତି। ତାଙ୍କର ଆଖି ନାହିଁ। ସାଧାରଣତଃ ଲୋକଙ୍କର ଆଖି ଥାଏ, କିନ୍ତୁ ସେଥିରେ ଆଲୋକ ନ ଥାଏ। କିନ୍ତୁ ଶାଶାଙ୍କର ଆଖି ନାହିଁ। ଶାଶାଙ୍କର ,ପରି ଅବସ୍ଥାକୁ xox୨ ଆନାଫଥାଲମିଆ ସିଣ୍ଡ୍ରୋମ ବୋଲି କୁହାଯାଏ। ଏହା ପ୍ରତି ଅଢ଼େଇ ଲକ୍ଷରେ ଜଣେ ଶିଶୁକୁ ହୋଇଥାଏ। ଏହି କାରଣରୁ ଶାଶାଙ୍କ ଜନ୍ମ ପରେ ମା’ ତାଙ୍କୁ ଅନାଥ ଆଶ୍ରମରେ ଛାଡି ଚାଲିଗଲେ। ସେଠାରେ ୬ ମାସ ପର୍ଯ୍ୟନ୍ତ ତାଙ୍କର ଦେଖାଶୁଣା କରାଗଲା। ଶାଶାଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ଏକ ପରିବାର ତାଙ୍କୁ ପୋଷ୍ୟସନ୍ତାନ ଭାବେ ଗ୍ରହଣ କରିଛନ୍ତି। ଶାଶାଙ୍କୁ ପରିବାର ମିଳିବା ପରେ ଏବେ ସେ ବହତ ଖୁସିଥିବା ଜଣାପଡ଼ୁଛନ୍ତି।