ଭୁବନେଶ୍ୱର,୬।୬: ସିକନ୍ଦରାବାଦ-ଅଗରତାଲା ଏକ୍ସପ୍ରେସ ବି-୫ ବଗିରେ ଧୂଆଁ ବାହାରୁଥିବା ଦେଖି ଯାତ୍ରୀ ଭୟଭୀତ। ଟ୍ରେନଟି ବ୍ରହ୍ମପୁର ଷ୍ଟେସନରେ ଅଟକି ଥିବାବେଳେ ଧୂଆଁ ବାହାରୁଥିବା ଯାତ୍ରୀମାନେ ଦେଖି ଟ୍ରେନରୁ ଓହ୍ଲାଇପଡିଥିଲେ। ରେଳ ବିଭାଗ ପକ୍ଷରୁ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା। ଅଗ୍ନିଶମ ବାହିନୀ ପହଞ୍ଚି ଯାଞ୍ଚ କରିଥିଲେ। ତେବେ ଶର୍ଟ ସର୍କିଟ ଯୋଗୁ ଧୁଆଁ ବାହାରିଥିବା ପୂର୍ବତଟ ରେଲଓ୍ବ ପକ୍ଷରୁ ସୂଚନା ଦିଆଯାଇଛି। ନିକଟରେ ଘଟିଥିବା ରେଳ ଦୁର୍ଘଟଣାକୁ ନେଇ ଯାତ୍ରୀ ଭୟଭୀତ ହୋଇପଡିଥିଲେ। ଏପରିକି ବଗିରେ ବସିବାକୁ ଅମଙ୍ଗ ହେଉଥିଲେ। ପରେ ବୁଝାସୁଝା ପରେ ଯାତ୍ରୀଙ୍କୁ ବସାଗଲା। ୪୫ ମିନିଟ୍ ପରେ ଟ୍ରେନ ଛାଡିଥିଲା।
