ମୁମ୍ବାଇ,୨୬ ।୧୧: ଉଦ୍ଧବ ଠାକରେ ଗ୍ରୁପର ଶିବସେନା ନେତା ପ୍ରିୟଙ୍କା ଚତୁର୍ବେଦୀ ମଧ୍ୟ ପ୍ରଦେଶର ଓଁକାରେଶ୍ୱରରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ନର୍ମଦା ଆଳତି କରୁଥିବାର ଏକ ଓଲଟା ଫଟୋ ଶେୟାର କରିବାକୁ ନେଇ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କୁ ସମାଲୋଚନା କରିଛନ୍ତି ।
ରାହୁଲ ଗାନ୍ଧୀ ଶୁକ୍ରବାର (୨୫ ନଭେମ୍ବର)ରେ ଆଳତି କରୁଥିବାର ଏକ ଫଟୋ ସୋସିଆଲ ମିଡିଆରେ ଶେୟାର କରିଥିଲେ, ଏହାସହ ସେ ଲେଖିଥିଲେ, ଆଜି ୧୨ ଜ୍ୟୋତିର୍ଲିଙ୍ଗ ମଧ୍ୟରୁ ଗୋଟିଏ , ଭଗବାନ ଓଁକାରେଶ୍ୱର ମନ୍ଦିରରେ ନର୍ମଦା ଆଳତି ସହ ପୂଜା କରିବାର ସୌଭାଗ୍ୟ ମିଳିଛି ।
ପ୍ରସିଦ୍ଧ ଶିବ ମନ୍ଦିରର ପୂଜାରୀ ରାହୁଲ ଗାନ୍ଧୀଙ୍କ ମୁଣ୍ଡରେ ପଗଡି ବାନ୍ଧିବା ସହ କାନ୍ଧରେ ‘ଓମ’ ଲେଖାଥିବା ଦୁପଟ୍ଟା ପକାଇ ଦେଇଥିଲେ । କେନ୍ଦ୍ର ମହିଳା ଓ ବାଳ ବିକାଶ ମନ୍ତ୍ରୀ ସ୍ମୃତି ଇରାନି ରାହୁଲ ଗାନ୍ଧୀଙ୍କ ଏହି ଫଟୋକୁ ଓଲଟା ଶେୟାର କରି ଲେଖିଛନ୍ତି, ଏବେ ଠିକ୍ ଅଛି । ଏହାପରେ ଶିବସେନା ନେତା ଚତୁର୍ବେଦୀ ଇରାନୀଙ୍କ ଉପରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କଠାରୁ ଆଗେଇ ଯିବାକୁ ପ୍ରୟାସ କରି ହିନ୍ଦୁ ରୀତି ନୀତିର ଉପହାସ କରିଥିବା ଅଭିଯୋଗ ଆଣିଛନ୍ତି । ସୂଚନାଯୋଗ୍ୟ, ଆସାମ ମୁଖ୍ୟମନ୍ତ୍ରୀ ରାହୁଲ ଗାନ୍ଧୀଙ୍କ ଦାଢିଥିବା ଲୁକ୍ର ତୁଳନା ସଦ୍ଦାମ ହୁାସନଙ୍କ ସହ କରିଥିଲେ ।
Have to outdo the Assam CM since Troll Tiara is being snatched away, so in an attempt to troll, lets mock Hindu rituals to retain the title and the Tiara. pic.twitter.com/Ti8I1WYlFH
— Priyanka Chaturvedi🇮🇳 (@priyankac19) November 26, 2022
