ନୂଆଦିଲ୍ଲୀ,୧୫।୪: ଭାରତୀୟ ମହିଳା କ୍ରିକେଟର ସ୍ମୃତି ମନ୍ଧାନା କ୍ରିକେଟରୁ ବିରତି ନେଇ ଏବେ ତାଙ୍କ ଜନ୍ମସ୍ଥାନ ସାଙ୍ଗଲିରେ ଛୁଟି କାଟୁଛନ୍ତି। ଏହାର ଟିକିନିକି ଅପ୍ଡେଟ୍ ସେ ତାଙ୍କ ଇନଷ୍ଟାଗ୍ରାମ ମାଧ୍ୟମରେ ଦେଉଛନ୍ତି। ଏହି ରହଣି ସମୟରେ ସେ ତାଙ୍କ ପ୍ରେମିକଙ୍କୁ ତାଙ୍କ କାମରେ ସାହାଯ୍ୟ କରୁଛନ୍ତି ।
ଭାରତୀୟ କ୍ରିକେଟର ସ୍ମୃତି ମନ୍ଧାନାଙ୍କ ପ୍ରେମିକ ହେଉଛନ୍ତି ପଳାଶ ମୁଚଲ। ପଳାଶ ଜଣେ ଚଳଚ୍ଚିତ୍ର ନିର୍ଦ୍ଦେଶକ, ଲେଖକ, ସଂଗୀତ ରଚୟିତା ଅର୍ଥାତ ସେ ବଲିଉଡ ସହିତ ଜଡିତ ଜଣେ ବହୁମୁଖୀ ପ୍ରତିଭାଶାଳୀ ବ୍ୟକ୍ତି। ତାଙ୍କର ପରବର୍ତ୍ତୀ ଫିଲ୍ମର ନାମ ହେଉଛି ମକତୁବ, ଯାହା ୧୬ ଜଣ ପିଲାଙ୍କ କାହାଣୀ। ସ୍ମୃତି ମନ୍ଧାନା ତାଙ୍କ ପ୍ରେମିକଙ୍କ ପାଇଁ ସେହି ଫିଲ୍ମର ପ୍ରଚାର ତାଙ୍କ ଇନଷ୍ଟାଗ୍ରାମ ମାଧ୍ୟମରେ କରିଛନ୍ତି।
୨୦୧୯ ମସିହାରୁ ସ୍ମୃତି ମନ୍ଧାନା ଏବଂ ପଳାଶ ସମ୍ପର୍କରେ ଅଛନ୍ତି। ସେମାନେ ଖୋଲାଖୋଲି ଭାବରେ ସେମାନଙ୍କର ସମ୍ପର୍କକୁ ପ୍ରକାଶ ମଧ୍ୟ କରିଛନ୍ତି। ଗତ ବର୍ଷ ହିଁ ସେମାନେ ସେମାନଙ୍କ ସମ୍ପର୍କର ୫ମ ବାର୍ଷିକୀ ପାଳନ କରିଥିଲେ ଏବଂ ଏକ କେକ ମଧ୍ୟ କାଟିଥିଲେ। ଉଭୟଙ୍କୁ ପ୍ରତ୍ୟେକ କାର୍ଯ୍ୟ ଏବଂ କାର୍ଯ୍ୟକ୍ରମରେ ଏକାଠି ଦେଖିବାକୁ ମିଳି ଆସୁଛି। ଏସବୁ ବ୍ୟତୀତ ଦୁହେଁ ପରସ୍ପରକୁ ଖୋଲାଖୋଲି ସSmriti Mandhana ମର୍ଥନ ମଧ୍ୟ କରନ୍ତି।
