ଶ୍ରୀନଗର,୧୩।୧୧ : ପଞ୍ଜାବ, ଜମ୍ମୁ-କଶ୍ମୀରର ଭାରତ ଏବଂ ପାକିସ୍ତାନ ସୀମାରେ ୨୦୨୨ ମସିହାରେ ସୀମା ଆରପାର୍ଶ୍ୱରୁ ଡ୍ରୋନ ମାଧ୍ୟମରେ ଡ୍ରଗ୍ସ ଏବଂ ଅସ୍ତ୍ର ଚୋରା ମାମଲା ଦ୍ୱିଗୁଣିତ ହୋଇଛି। ସୀମା ସୁରକ୍ଷା ବଳର ମହାନିର୍ଦେଶକ (ବିଏସଏଫ ଡିଜି) ପଙ୍କଜ କୁମାର ସିଂ ଏହି ସୂଚନା ଦେଇଛନ୍ତି। ବିଏସଏଫ ଡିଜି ସିଂ କହିଛନ୍ତି ଯେ ପାକିସ୍ତାନର ସୀମାକୁ ଲାଗିଥିବା ପଞ୍ଜାବ, ଜମ୍ମୁ-କଶ୍ମୀର ଅଞ୍ଚଳରେ ଡ୍ରୋନ ମାଧ୍ୟମରେ ଡ୍ରଗ୍ସ ଏବଂ ଅସ୍ତ୍ର ଚୋରା କାରବାର ମାମଲା ଦ୍ରୁତ ଗତିରେ ବୃଦ୍ଧି ପାଇଛି। ତେବେ ପଡୋଶୀ ଦେଶର ଷଡଯନ୍ତ୍ରକୁ ରୋକିବାରେ ସେନିକମାନେ ଉଦ୍ୟମ ଜାରି ରଖିଛନ୍ତି।
ବିଏସଏଫର ମହାନିର୍ଦ୍ଦେଶକ କହିଛନ୍ତି ଯେ ସୀମା ଆରପାରିରୁ ଡ୍ରୋନ ମାଧ୍ୟମରେ ନିଶା ଦ୍ରବ୍ୟ, ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ପଠାଯାଉଛି। ଏହି ସମସ୍ୟାର ମୁକାବିଲା ପାଇଁ ବିଏସଏଫ ଏକ ସୁରକ୍ଷିତ ଦୃଢ଼ ପଦକ୍ଷେପ ପ୍ରସ୍ତୁତ ଜାରି ରଖିଛି। ଡ୍ରୋନ ଉପରେ ଫୋରେନସିକ ଅଧ୍ୟୟନ କରିବା ପାଇଁ ବିଏସଏଫ ନିକଟରେ ଦିଲ୍ଲୀର କ୍ୟାମ୍ପରେ ଏକ ଅତ୍ୟାଧୁନିକ ଲାବୋରେଟୋରୀ ପ୍ରତିଷ୍ଠା କରିଛି ଏବଂ ଏହାର ଫଳାଫଳ ଅତ୍ୟନ୍ତ ଉତ୍ସାହଜନକ ରହିଛି।
ବିଏସଏଫ ମୁଖ୍ୟ କହିଛନ୍ତି ଯେ ସୀମା ଆରପାର୍ଶ୍ୱରୁ, ଯେଉଁଠାରୁ ଅପରାଧୀମାନେ ଏହି କାର୍ଯ୍ୟକଳାପ କରୁଛନ୍ତି, ସେମାନଙ୍କର ଠିକଣା କ’ଣ, ଗୁପ୍ତଚର ଏଜେନ୍ସିମାନେ ଏହା ବିଷୟରେ ସୂଚନା ସଂଗ୍ରହ କରିବାରେ ସକ୍ଷମ ହୋଇ ପାରୁଛନ୍ତି ବୋଲି ବିଏସଏଫ ମୁଖ୍ୟ ଏହି ସୂଚନା ଦେଇଛନ୍ତି।
