ପିଲାଦିନରୁ ସାପ-ନେଉଳ ଲଢ଼େଇ ବିଷୟରେ ପ୍ରାୟ ସମସ୍ତେ ଶୁଣିଥାନ୍ତି। ଏହି ଲଢ଼େଇରେ ସର୍ବଦା ସାପ ହିଁ ପରାଜିତ ହୁଏ ବୋଲି ଶୁଣିବାକୁ ମିଳିଥାଏ। ହେଲେ ଏବେ ଏହି ଦୁଇ ଜନ୍ତୁଙ୍କ ଲଢ଼େଇରେ ସାପ ନୁହେଁ, ବରଂ ନେଉଳ ହାରିଛି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ତାକୁ ଯିଏ ବି ଦେଖୁଛି ସେ ଚକିତ ହେଉଛି।
ଭାଇରାଲ ଭିଡିଓରେ ନେଉଳଟିଏ ସାପ ନିକଟକୁ ଯାଉଥିବା ଦେଖାଯାଉଛି। ଏହାପରେ ସାପଟି ଗର୍ଜନ କରି ଫଣା ଟେକି ଚୋଟ ମାରୁଛି। ଏହା ନେଉଳ ଦେହରେ ବାଜିବାରୁ ସେ ସେଠାରେ ହିଁ ଟଳି ପଡ଼ିଥିଲା। ଏମିତିରେ ଭିଡିଓକୁ ଦେଖିଲେ ଆପଣ ବି ଚକିତ ହେବେ।
ଇନଷ୍ଟାଗ୍ରାମରେ ଭିଡିଓଟିକୁ ବେଶ ପସନ୍ଦ କରାଯାଉଥିବା ବେଳେ ଅନେକେ କମେଣ୍ଟ ଦେଉଛନ୍ତି। ଜଣେ ବ୍ୟବହାରକାରୀ ଲେଖିଛନ୍ତି ପ୍ରଥମ ଥର ଲାଗି ଏଭଳି କିଛି ଦୃଶ୍ୟ ଦେଖିବାକୁ ମିଳିଛି। ସେହିଭଳି ଅନ୍ୟଜଣେ ଲେଖିଛନ୍ତି ଯେ ନେଉଳଟି ବୋଧହୁଏ ବୁଢ଼ା ହୋଇଯାଇଛି, ଏଣୁ ହାରିଗଲା।
ଆପଣ ବି ଦେଖନ୍ତୁ ଭିଡିଓ:
