ସୋସିଆଲ ମିଡିଆରେ ପ୍ରତିଦିନ କିଛି ନା କିଛି ଭିଡିଓ ଭାଇରାଲ ହୋଇଥାଏ। ଏଥିରୁ କିଛି ଭିଡିଓ ମନୋରଞ୍ଜନର ଖୋରାକ ଯୋଗାଉଥିବା ବେଳେ ଆଉ କିଛି ଭିଡିଓ ଅତ୍ୟନ୍ତ ଭୟଙ୍କର ହୋଇଥାଏ। ଏବେ ସେମିତି ଏକ ଭିଡିଓ ଏବେ ଭାଇରାଲ ହେଉଛି। ଯାହାକୁ ଦେଖିଲେ ଲୋମ ଟାଙ୍କୁରି ଉଠିବ।
ଭିଡିଓରେ ଏକ ଅଜଗର ଗଛକୁ ଚଢୁଛି। ଅଜଗରଟି ଗଛରେ ଗୁଡ଼େଇ ହୋଇ ହୋଇ ଉପରକୁ ଉଠୁଛି। ଭିଡିଓଟିକୁ ଲକ୍ଷାଧିକ ଲୋକ ଦେଖିସାରିଥିବା ବେଳେ ହଜାର ହଜାର ଲୋକ ଶେୟାର ବି କରିଛନ୍ତି। ସେହିପରି ୟୁଜରମାନେ ଭିନ୍ନ ଭିନ୍ନ କମେଣ୍ଟ ଦେଇଛନ୍ତି। ଜଣେ ୟୁଜର କହିଛନ୍ତି, ଭୋକ ଲାଗିଲେ ମଣିଷ ଖାଦ୍ୟ ଖୋଜେ। ତେଣୁ ସାପଟି ମଧ୍ୟ ଖାଦ୍ୟ ଅନୁସନ୍ଧାନରେ ଉପରକୁ ଉଠୁଛି। ଆଉ ଜଣେ ୟୁଜର କହିଛନ୍ତି, ସାପଟି ଗଛରେ ତା’ର ଶିକାର ଦେଖିଛି। ଆଉ ଜଣେ ୟୁଜର କହିଛନ୍ତି, ଏହା ଅତି ସାଧାରଣ କଥା ପେଟରେ ଭୋକ ଆଉ ତଳେ ପାଣି। ସେଥିପାଇଁ ସାପଟି ଗଛକୁ ଚଢୁଛି। କେହି କେହି ହର ହର ମହାଦେବ କହି ପ୍ରଣାମ ମଧ୍ୟ କରିଛନ୍ତି।